Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatydaǵy sýburqaqtar 25 mamyrǵa deıin kezeń-kezeńimen iske qosyldy

2022 jyldyń 17 mamyr 2022 16:15

ALMATY. QazAqparat- Almatyda fontandar kezeń-kezeńimen 25 mamyrǵa deıin iske qosylady, dep habarlaıdy QazAqparat tilshisi.

Almaty ákimdiginiń málimetinshe, qalada 60-tan astam kommýnaldyq sýburqaq bar. Qazirgi sátte onyń 16-sy iske qosyldy.

Jalpy, Almatyda 128 fontan bar, onyń 63-i qala menshiginde, al 65-i jekenmenshikte. Sýburqaqtar saǵat 09:00-den 23:00-ge deıin jumys isteıdi. Sońǵy bes jyl ishinde 13 jańa fontan salyndy. Alaıda qaladaǵy sýburqaqtardyń basym bóligi 60-80-jyldary salynǵan. Jóndeý-qalpyna keltirý jumystary olardyń tehnıkalyq jaǵynan durys jumys isteýin qamtamasyz etedi. Fontandardy jóndeý, sanıtarlyq tazartý men tazalaý jumystary únemi júrgizilip otyrady.

«Qazirgi kezde Ortalyq memlekettik murajaıy janyndaǵy jáne QBTÝ ǵımaratynyń artynda ornalasqan «Severnyı» saıabaǵyndaǵy fontandarǵa jóndeý jumystary júrip jatyr. Áýezov atyndaǵy Qazaq ulttyq akademııalyq drama teatry aldyndaǵy fontannyń ortalyq tostaǵandaryn aýystyrý ári kúrdeli jóndeý jumystaryn júrgizý qajet», - dep habarlady ákimdikten.

Árbir fontanda qaýipsizdikti saqtaý maqsatynda shomylýǵa bolmaıtyny týraly taqtaıshalar ornatylǵan.

Óıtkeni olardyń konstrýktsııalarynyń ishinde elektr, sýasty jaryqtandyrý qurylǵylary, sýasty sorǵylar men taǵy basqa jabdyqtar bar.

Eske salaıyq, byltyr maýsym aıynda Qazaq memlekettik tsırki ǵımaratynyń janyndaǵy sýburqaqta úsh adamdy toq soqqan bolatyn.


Avtor Alma Muqanova
Basty sózder: Almaty, ,
Joǵary qaraı