Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy ortalyq saıabaqta jataqhana salynbaıtyn boldy

2021 jyldyń 24 aqpan 2021 21:24

ALMATY. QazAqparat- Gorkıı atyndaǵy ortalyq mádenıet jáne demalys saıabaǵy mańynda Abaı atyndaǵy Qazaq ulttyq pedagogıkalyq ýnıversıtetiniń stýdenterine arnalǵan jataqhana salynbaıtyn boldy. Bul týraly qalalyq ákimdik málim etti, dep habarlaıdy QazAqparat tilshisi.

«Jataqhana salynbaıtyn boldy. Qurylys toqtatyldy. Biz basqa jer ýchaskesin qarastyryp jatyrmyz», - dedi qala ákiminiń orynbasary Erjan Babaqumarov.

Óz kezeginde, qalalyq jasyl ekonomıka basqarmasy Medeý aýdany Gorkıı saıabaǵyndaǵy stýdentterge arnalǵan jataqhana qurylysy boıynsha 1 naýryzǵa josparlanǵan qoǵamdyq tyńdaýdyń ótpeıtinin habarlady.

Buǵan deıin, ortalyq saıabaqta 327 stýdentti baspanamen qamtıtyn jataqhana boı kóteretini týraly aıtylǵan bolatyn.

Qazirgi ýaqytta Abaı atyndaǵy QazUPÝ-de 13 myńnan astam adam oqıdy, onyń ishinde 10 780 syrttan qatynaıdy. Jalpy, 3 myńnan astam stýdent jataqhanaǵa muqtaj.


Avtor Alma Muqanova
Basty sózder: Qurylys, Almaty, Bilim, JOO-lar,
Joǵary qaraı