Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy oqýshylar tóbelesi: Jaraqat alǵan 2 balanyń bireýiniń jaǵdaıy aýyr

2021 jyldyń 28 qazan 2021 17:25

ALMATY. QazAqparat – Almatyda oqýshylar tóbelesip, ekeýi pyshaq jaraqatyn aldy. Olar aýrýhanada jatyr. Bireýiniń jaǵdaıy aýyr, dep habarlaıdy QazAqparat tilshisi.

Almaty qalalyq Qoǵamdyq densaýlyq saqtaý basqarmasynyń málimetinshe, oqýshylar pyshaq jaraqatymen №2 qalalyq balalar aýrýhanasyna 27 qazan kúni tústi.

«Keshe pyshaq jaraqatymen kámelet jasqa tolmaǵan eki jasóspirim №2 qalalyq balalar aýrýhanasyna tústi. Jaqyn týystarynyń aıtýynsha, balalar qatarlastarymen bolǵan tóbeles kezinde jaraqat aldy. Birinshisiniń jaǵdaıy aýyr, turaqsyz, ishtiń aldyńǵy búıir qabyrǵasy men sol jaq búıregi zardap shekken, ekinshi naýqastyń ish qurylysyna zaqym kelgen, jaǵdaıy birqalypty, bólimshege aýystyryldy»,- dep habarlady basqarmadan.

Buǵan deıin Almaty qalalyq Polıtsııa departamenti oqıǵaǵa qatysty túsinikteme berdi. «QR Qylmystyq kodeksiniń 106-baby boıynsha sotqa deıingi tergep-tekserýdiń biryńǵaı tizilimine tirkeldi. Anyqtalǵandaı, jasóspirimder arasynda janjal shyǵyp, saldarynan ekeýi pyshaq jaraqatyn aldy. Kúdikti anyqtalyp, qamaýǵa alyndy. Saraptama taǵaıyndaldy. Tergeý jalǵasýda», -dep habarlady Almaty qalalyq PD baspasóz qyzmeti. Oqıǵa Alataý aýdanyna qarasty «Aqkent» shaǵynaýdanynda boldy.


Avtor Alma Muqanova
Basty sózder: Oqıǵa, Almaty,
Joǵary qaraı