Aýa raıy
Astana -5 °S
Almaty -2 °S
valıýta baǵamy
USD 389.34
EUR 428.78
RUB 6.05
CNY 55.45

Almatydaǵy kólik oqıǵasy: Jelide jańa vıdeo paıda boldy

2019 jyldyń 29 tamyz 2019 09:37

ALMATY. QazAqparat – Áleýmettik jelide Almatyda adamdardy qasaqana qaqqan kólik oqıǵasyna qatysty taǵy bir vıdeosy paıda boldy, dep habarlaıdy QazAqparat tilshisi.

Kýáger bul oqıǵany telefonǵa basqa qyrynan túsirip, jelide júktegen. Jazbada eki top tóbe lesip jatqany týraly aıtylady .

Esterińizge salaıyq, 26 tamyzda tańǵy saǵat 5-te Almaty qalasy Bostandyq aýdany Gagarın kóshesinde bolǵan qaqtyǵystan keıin bir taraptyń ókilderi qarsylastaryn avtomobılmen qaǵyp, qylmys ornynan boı tasalaǵan. Vıdeo áleýmettik jelide tarady.

Gagarın kóshesinde adamdardy qasaqana qaqqan kúdiktilerdiń biri 26 tamyz kúni keshke ustalǵan bolatyn. Ol Almaty oblysy Eńbekshiqazaq aýdanynyń turǵyny, 1995 jyly týǵan A. esimdi azamat. Ol, QR Qylmystyq kodeksiniń 128-baby boıynsha ýaqytsha ustaý ızolıatoryna qamaldy. Er adam qylmys jasaý kezinde túsi aq Toyota Camry markaly avtokólikti basqarǵan.

Adamdy qasaqana qaǵý isi boıynsha aıypturaǵyna qamalǵan avtokóliktiń memlekettik nómiri buǵan deıin de bir iske qatysy bar bolǵany anyqtaldy. Atap aıtqanda, 2017 jyly dál osyndaı memlekettik nómirli kólik mingen júrgizýshi esirtkige elitip kólik basqarǵany úshin ustalǵan.

Kúdiktilerdiń anasy Názıra Álıkeeva uldary mundaı is áreketke ózderin qorǵaý úshin bardy dedi.

Bul shýly oqıǵaǵa qatysty Polıtsııa tolyq aqparat berdi.

Zardap shekkenderdiń densaýlyǵy týraly Almaty qalalyq densaýlyq saqtaý basqarmasy aıtty.

Polıtsııa adamdardy qaqqan kólikterdi taýyp tárkiledi. Eki kólikti aıǵaqzattar retinde QR QK-niń 24-baby 3-bóligi jáne 99-babynyń 2-bóligi boıynsha qozǵalǵan qylmystyq is materıaldaryna tirkedi.


Avtor Alma Muqanova
Basty sózder: Oqıǵa, Almaty,
Joǵary qaraı