Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy emdeý mekemelerine 335 mln teńge aıyppul salyndy

2021 jyldyń 7 sáýir 2021 01:28

ALMATY. QazAqparat - Bıylǵy jyldyń bastapqy eki aıynda Almaty turǵyndaryna kórsetilgen medıtsınalyq kómek sapasyn baqylaý barysynda 6,4 myń qyzmettiń túrli kemshilikpen kórsetilgeni anyqtaldy. Nátıjesinde qaladaǵy emdeý mekemelerine 335 mln teńge aıyppul salyndy. Bul týraly «Áleýmettik medıtsınalyq saqtandyrý qory» KEAQ Almaty fılıaly málim etti, dep habarlaıdy QazAqparat tilshisi.

Medıtsınalyq qyzmet sapasyn baqylaý bólimi jetekshisi Ásem Manapbaevanyń aıtýynsha, kemshiliktiń basym bóligine konsýltatıvtik-dıagnostıkalyq kómek kórsetetin klınıkalar tarapynan jol berilgen. Jalpy, konsýltatıvtik-dıagnostıkalyq kómek boıynsha 4,5 myń qyzmet túrli kemshilikpen kórsetilgen. Nátıjesinde 7,1 mln teńge qaıtaryp alyndy.

«Aqaýmen kórsetilgen 1,5 myń qyzmet – statsıonarlar men statsıonardy almastyratyn kómek uıymdaryna tıesili. Atalǵan kemshilikter úshin atalǵan klınıkalar 321,8 mln teńge aıyppul tóledi. Al, emhanalar 343 qyzmetti kemshilikpen kórsetken. Monıtorıng nátıjesinde 6 mln teńge qorǵa qaıtaryldy»,- dedi Ásem Manapbaeva.

Kóptegen medıtsınalyq uıymdar emdeý-dıagnostıka barysynda belgilengen standarttardan aýytqý, medıtsınalyq qujattardy durys toltyrmaý, qyzmet baǵasyn negizsiz ósirý syndy olqylyqtarǵa oryn bergen. Sonymen qatar, kórsetildi dep jazylǵan belgili bir qyzmet túrleriniń shyn máninde kórsetilgenin rastaı almaǵan emhanalar da bar.

«Áleýmettik medıtsınalyq saqtandyrý qory kórsetilgen qyzmet sapasyna turaqty baqylaý júrgizip otyrady. Búginde dáriger kómegine júginbegen adamdy «qabyldaýda boldy» dep jazý máselesi jurtshylyq arasynda ózekti máselege aınalǵany belgili. Bıylǵy qańtar-aqpan aılarynda fılıal mamandary azamattardan túsken aryz-shaǵymdar nátıjesinde osyndaı 57 faktini anyqtap, emhana-ambýlatorııa deńgeıinde júrgizilgen monıtorıng barysynda medıtsına uıymdaryna 1,4 mln teńge aıyppul saldy. Qaıtaryp alynǵan qarajat medıtsınalyq kómektiń ózge túrlerine jumsalady»,- dedi MSQ Almaty fılıalynyń Medıtsınalyq qyzmet sapasyn baqylaý bólimi basshysy Ásem Manapbaeva.

Almatyda 182 medıtsına uıymy memlekettik tapsyrys sheńberinde halyqqa tegin kómek kórsetip jatyr. Olarmen bekitilgen kelisimsharttyń jalpy somasy 180,8 mlrd teńgeden asady.


Joǵary qaraı