Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatydaǵy dúkendi tonaǵan maroder Túrkistanda ustaldy

2022 jyldyń 26 qańtar 2022 12:00

TÚRKІSTAN. QazAqparat - Almatyda dúkendi tonaǵan maroder Túrkistanda ustaldy. Bul týraly búgin brıfıngide Túrkistan oblysy Polıtsııa departamenti bastyǵynyń tergeý jónindegi orynbasary Asyljan Qaldarbekov aıtty, dep habarlaıdy QazAqparat tilshisi.

Jedel-izdestirý is-sharalaryn júrgizý barysynda Túrkistan qalalyq Polıtsııa basqarmasynyń krımınaldyq polıtsııa qyzmetkerleri Kentaý qalasynyń birindegi qonaq úıge aıaldaǵan Óskemenniń 2 turǵynyn anyqtaǵan.

Kúdikke ilingen olardyń bireýi urlanǵan zattardy Túrkistan qalasyndaǵy lombardqa ótkizip turǵan jerinen ustaldy.

«Ustalǵan kúdikti buryn qaraqshylyq qylmysy úshin sottalǵanyn anyqtadyq. Onyń aıtýynsha, dosymen birge 5 qańtarda Almatyǵa barǵan. ıAǵnı, jappaı tártipsizdik kezinde Kcell, Activ dúkenderiniń birin tonap, ol jerden 5 dana Samsung telefonyn, 2 dana symsyz qulaqqapty jáne Apple watch brendtik smart-saǵatty alyp ketken. Jalpy keltirilgen shyǵyn kólemi mıllıon teńge jýyq», - dedi polıtsııa polkovnıgi.




Kúdiktiler izderin jasyrý maqsatynda qaıtadan Óskemenge úılerine qaıtqan. Sol jaqta 3 dana telefondy lombardqa ótkizip, aqshasyn óz qajettilikterine jumsap jibergen. Aldyn ala josparly túrde áreket etken ekeý blokbeketterdiń barlyq jerde alynyp tastalǵanyn paıdalanyp, Túrkistan oblysyna taksımen kelgen.

«Búgingi tańda atalǵan jaıtqa baılanysty tergeýshiler QR QK 188-baby «Urlyq« boıynsha sotqa deıingi tergeý jumystaryn júrgizýde. Kúdikti qamaýǵa alyndy. Al aıǵaqty zat retinde urlanǵan zattardyń bir bóligi tárkilendi. Sotqa deıingi tergeý kezinde qylmystyń barlyq jaı-japsaryn anyqtaıtyn bolamyz», - dedi A.Qaldarbekov.

Qazirgi tańda polıtsııa qyzmetkerleri kúdiktiniń sybaılasy, ıaǵnı ekinshi jas jigitti izdestirýde.





Joǵary qaraı