Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy basseınde balalar ýlanyp qaldy

2021 jyldyń 23 qyrkúıek 2021 14:43

ALMATY. QazAqparat - Almatyda basseınderdiń birinde balalar hlor býymen ýlandy, dep habarlaıdy QazAqparat tilshisi.

Qalalyq qoǵamdyq densaýlyq saqtaý basqarmasynyń málimetinshe, balalar 23 qyrkúıek kúni tańerteń kómek suraǵan.

«Tamaq jybyrlaý jáne túshkirý shaǵymy boıynsha 11 bala jedel medıtsınalyq járdem brıgadalary kómegimen Balalar shuǵyl medıtsınalyq járdem ortalyǵyna jetkizildi. Olar basseınde sabaq kezinde hlor býlarymen ýlanǵan. Balalardyń jasy 12-14 jas aralyǵynda. Barlyǵynyń jaǵdaıy turaqty, beıindi bólimshege jatqyzyldy», - dep habarlady QDSB.

Qalalyq sanıtarlyq-epıdemıologııalyq baqylaý departamenti basshysynyń orynbasary Sádýaqas Baıǵabylov tergeý júrgizilip jatqanyn aıtty.

«Almaly aýdanynyń sanıtarlyq dárigerleri oqıǵa boıynsha tergeý júrgizýde, qosymsha tolyǵyraq habarlaımyz», - dedi ol.


Avtor Dýman Arǵyngeldi
Basty sózder: Medıtsına, Oqıǵa, Almaty,
Joǵary qaraı