Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy balalar úıiniń tárbıelenýshisin soqqyǵa jyǵý: polıtsııa tekserýdi bastady

2021 jyldyń 15 qyrkúıek 2021 17:59

ALMATY. QazAqparat - Almatydaǵy balalar úıiniń tárbıelenýshisi soqqyǵa jyǵylǵan. Atalǵan jaǵdaıdy polıtsııa tekserip jatyr, dep habarlaıdy QazAqparat tilshisi.

«Januıa» mamandandyrylǵan kesheninde jasóspirim qyzdy aıaýsyz uryp-soqqany týraly habarlama men vıdeo áleýmettik jelide tarady.

Almaty qalalyq Polıtsııa departamenti tekserý jumystary bastalǵanyn málim etti.

«Bul fakti boıynsha Medeý aýdandyq polıtsııa basqarmasy tekserýdi bastady. Kadrda balalar úıiniń 2004 jáne 2005 jyly týǵan eki tárbıelenýshisiniń arasyndaǵy janjaldy kórýge bolady. Anyqtalǵanyndaı, bul 3 qyrkúıekte bolǵan jaǵdaı. Buǵan deıin, atalǵan derek boıynsha polıtsııaǵa eshkim habar bergen joq. Qazirgi ýaqytta keshendi tekserý júrgizilýde, sonyń nátıjesi boıynsha zańǵa sáıkes sharalar qoldanylatyn bolady», - dep habarlady Polıtsııa departamentiniń baspasóz qyzmeti.

Buǵan deıin Bala quqyqtary jónindegi ýákil Arýjan Saın «Januıa» mamandandyrylǵan kesheninde túsirilgen vıdeoǵa qatysty túsinikteme bergen bolatyn.



Avtor Alma Muqanova
Basty sózder: Oqıǵa, Almaty,
Joǵary qaraı