Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy atys: sot kúdiktiniń áıeli túsirgen shaǵymdy keıin qaraıdy

2021 jyldyń 22 qyrkúıek 2021 17:55

ALMATY. QazAqparat – Qalalyq sot Almatyda bes adamdy atyp óltirgen Igor Dýjnovtyń áıeli túsirgen shaǵymdy qaraýdy keıinge qaldyrdy, dep habarlaıdy QazAqparat tilshisi.

Anaıda Demırchıan qalalyq sotqa osyǵan deıin aýdandyq sot keıinge qaldyryp kelgen otbasyn úıden shyǵarý týraly sheshimge qatysty apellıatsııalyq shaǵym túsirdi. Biraq Almaty soty talapkerdiń bolmaýyna baılanysty otyrysty keıinge qaldyrdy. Sebebi, úıdiń jańa ıesi atys kezinde qaza tapty. Zańǵa sáıkes, onyń qaıtys bolǵany týraly kýálik qajet.

Bul qujat áli daıyn bolmaǵandyqtan, sot shaǵymdy qaraýdy 5 qazanǵa qaldyrdy.

Aıta keteıik, 20 qyrkúıek kúni Almatyda atys bolyp, 5 adamnyń qaza tapqanyn habarlaǵan bolatynbyz.

Atalǵan jaǵdaı boıynsha sotqa deıingi tergeý amaldary bastaldy. Kináli adam 20 jylǵa deıin nemese ómir boıyna bas bostandyǵynan aıyrylýy múmkin.



Avtor Alma Muqanova
Basty sózder: Almaty, Oqıǵa, Sot,
Joǵary qaraı