Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy atys: Qylmystyq is qozǵaldy

2021 jyldyń 20 qyrkúıek 2021 20:25

ALMATY. QazAqparat – Almatyda sot sheshimin oryndaý barysynda 5 adam qaza boldy, onyń ishinde 2 ýchaskelik polıtsııa ınspektory men sot oryndaýshysy da bar, dep habarlaıdy QazAqparat tilshisi.

Qaıǵyly oqıǵa búgin shamamen 17.00 -de eki adamnyń menshik quqyǵyna qatysty daýy boıynsha sot sheshimin oryndaý kezinde boldy.

Sot sheshimimen tanysqan soń, jergilikti turǵyn úıge júgirip baryp, sot oryndaýshysyna, ýchaskelik polıtsııa ınspektorlaryna jáne aýlada bolǵan basqa adamdarǵa qarýdan oq jaýdyrdy.

Bes adam, onyń ishinde qyzmette bolǵan eki polıtsııa qyzmetkeri, oqtan jaraqat alyp, kóz jumdy.

«Kúdikti arnaıy jasaq sarbazdarynyń qatysýymen qarý qoldanylmaı ustaldy, óıtkeni úıde áıelder men balalar boldy. Atalǵan fakti boıynsha QR Qylmystyq kodeksiniń 99 baby 2 bóligi «Kisi óltirý» boıynsha qylmystyq is qozǵaldy. Qylmys jasaǵany úshin 20 jylǵa deıin bas bostandyǵynan aıyrý nemese ómir boıyna bas bostandyǵynan aıyrý jazasy qarastyrylǵan»,- dedi Almaty qalalyq Polıtsııa Almaty polıtsııa departamenti basshysynyń orynbasary Rústem Ábdirahmanov.

Onyń aıtýynsha, qazirgi ýaqytta oqıǵa ornynda jedel-tergeý toby jumys istep jatyr. Oqıǵa bolǵan jerdi polıtsııa qorshaýǵa aldy.

Azamattardyń ómiri men densaýlyǵyna qaýip joq.

Aıta keteıik, osyǵan deıin Almatyda atys bolyp, 5 adamnyń qaza tapqanyn habarlaǵan bolatynbyz.
Avtor Alma Muqanova
Basty sózder: Oqıǵa, Qylmyspen kúres, Almaty,
Joǵary qaraı