Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy 25 kitaphananyń kópshiligi jańa formatta jumys isteıdi

2021 jyldyń 26 aqpan 2021 12:26

ALMATY. QazAqparat-Almatyda ortalyqtandyrylǵan kitaphanalar júıesin aýqymdy jańǵyrtý maqsatynda júrgizilgen jóndeýden keıin Krylov atyndaǵy qalalyq balalar kitaphanasy paıdalanýǵa berildi, dep habarlaıdy QazAqparat tilshisi.

Megapolıs ákimi Baqytjan Saǵyntaev Instagram-daǵy paraqshasynda Áýezov kóshesi, 175 mekenjaıda ornalasqan I. Krylov atyndaǵy qalalyq balalar kitaphanasynyń aýqymdy jóndeý jumysynan keıin qaıta ashylǵanyn, munda zamanaýı ári jaıly oqý zaldary men túrli úıirmelerge arnalǵan oryndar paıda bolǵanyn jazdy.

«Altyn shańyraq» mádenıet pen tarıhty zerdeleý ortalyǵymen qatar zııatkerlik oıyn men dombyrany, kompıýterlik saýattylyqqa oqytatyn jańa ortalyqtar ashylýda. Sondaı-aq, mundaǵy ártúrli jastaǵy balalarǵa arnalǵan «Kreatıvti shyǵarmashylyq», «Jas ǵalym» klýbtary men «Oqımyz, úırenemiz, oınaımyz» úıirmesi de qyzyqqa toly orta», - dep atap ótti B. Saǵyntaev.

Búgingi kúni kitaphana qorynda 242 myń kitap bar, onyń 45 myńy qazaq tilinde. Qyzmet kórsetýdiń jańa modeli túrli is-sharalardy joǵary deńgeıde ótkizýge, sondaı-aq kelýshiler sanyn jylyna 250 myń adamǵa deıin arttyrýǵa múmkindik bermek.

Kitaphana saǵat 9.00-den 20.00-ge deıin demalyssyz jumys isteıdi.

Almatydaǵy 25 kitaphananyń 16-sy jańa formatta jumys isteıdi. Bıyl qalǵan kitaphanalardy modernızatsııalaý josparda.


Avtor Alma Muqanova
Basty sózder: Ákim, Almaty,
Joǵary qaraı