Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jylytý maýsymy erterek bastalýy múmkin

2021 jyldyń 22 qyrkúıek 2021 21:10

ALMATY. QazAqparat - Qala ákimi Baqytjan Saǵyntaev «Almaty» telearnasynyń Akimat Live baǵdarlamasynyń tikeleı efıri barysynda qalada jylytý maýsymy qashan bastalatyny týraly aıtty, dep habarlaıdy QazAqparat tilshisi.

Naqty aıtqanda, shahar basshysy jylytýdy merziminen buryn qosýǵa bolatynyn aıtty.

«Qalyptasqan tájirıbege sáıkes, aýa temperatýrasy +8°C jáne bes kún ishinde odan tómen bolsa, onda jylytý maýsymynyń bastalatyny belgili. Alaıda, aldyńǵy jylytý maýsymyndaǵydaı, aýa raıy salqyn bolsa, jylytý maýsymy erterek bastalýy múmkin»,- dedi ol.

Onyń aıtýynsha, qala turǵyndarynyń densaýlyǵy qymbat bolǵandyqtan, kún sýytqan jaǵdaıda, jylý beriletinin atap ótti.

Búginde jylý jelilerin daıyndaý boıynsha jumystar júrgizilýde, olardyń tolyq daıyndyǵy aǵymdaǵy jyldyń 25 qyrkúıegine deıin josparlanǵan.


Avtor Dýman Arǵyngeldi
Basty sózder: Qoǵam, Energetıka, Almaty,
Joǵary qaraı