Aýa raıy
Astana -3 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jyl sońyna deıin elektr qýatynyń tarıfteri óspeıdi - Áset Masabaev

2020 jyldyń 6 tamyz 2020 18:57

ALMATY. QazAqparat – Almatyda elektr energııa baǵasy qymbattamaıdy. Bul týraly qalalyq Energotıimdilik pen ınfraqurylymdyq damý basqarmasynyń basshysy Áset Masabaev onlaın brıfıng barysynda aıtty, dep habarlaıdy QazAqparat tilshisi.

«Jyl sońyna deıin elektr qýatynyń tarıfteri óspeıdi», – dep sendirdi Áset Masabaev.

Sonymen qatar, ol tótenshe jaǵdaılardyń aldyn alý úshin, qalada jylytý maýsymyna daıyndyq jumystarynyń júrip jatqanyn atap ótti.

«Úsh jyl ishinde 1986 jyldan beri jóndelmegen Tóle bı kóshesiniń jylý magıstraliniń úlken bólikteri aýystyryldy. Bul jumys mamyr aıynda bastaldy. Biz barlyq jabdyqtardy, qubyrlar men jylý jelilerin tekserdik. 200-den astam zaqymdalǵan jerler anyqtaldy. Olardyń 80% jóndeldi. Qalǵanyn qyrkúıekke deıin aıaqtaýdy josparlap otyrmyz»,– dedi Almaty qalalyq Energotıimdilik pen ınfraqurylymdyq damý basqarmasynyń basshysy Áset Masabaev.

Eske salaıyq, buǵan deıin QR Energetıka mınıstrligi Elektr energetıkasyn damytý departamentiniń dırektory Aıdos Dáribaev 1 shildeden bastap Qazaqstanda elektr energııasy qymbattaıtynyn aıtqan bolatyn.



Avtor Alma Muqanova
Basty sózder: Almaty, Energetıka, Tarıf,
Joǵary qaraı