Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda  «Jyl muǵalimi» baıqaýynyń jeńimpazyna páter kilti tapsyryldy

2021 jyldyń 12 qazan 2021 20:25

ALMATY. QazAqparat- «Almatynyń jyl muǵalimi» baıqaýynyń Gran-prı ıegerine páter kilti tapsyryldy, dep habarlaıdy QazAqparat tilshisi.

Almaty ákimi Baqytjan Saǵyntaev qala pedagogtary arasyndaǵy baıqaý jeńimpazdarymen jáne muǵalimderdi qoldaý men kásibı damytýǵa baǵyttalǵan arnaıy grant ıegerlerimen kezdesti.

Qalalyq «Almatynyń jyl muǵalimi» baıqaýynyń Gran-prı ıegeri, №39 mamandandyrylǵan lıtseıdiń qazaq tili men ádebıeti pániniń oqytýshysy Nurjigit Amanov Alma City jańa turǵyn úı kesheninen páterdi syılyqqa aldy.

Al 1 oryndy ıelengen №10 gımnazııanyń fızıka pániniń muǵalimi Daryn Saıynovqa mashına berildi.

Ekinshi jáne úshinshi oryn alǵan №96 mekteptiń bastaýysh synyp muǵalimi Raısa Tsoı jáne №92 mamandandyrylǵan lıtseıdiń hımııa pániniń muǵalimi Sýnnatýlla Kaýmbaev aqshalaı syıaqymen marapattaldy.

Sonymen qatar, 10 úzdik pedagog, onyń ishinde balabaqsha tárbıeshileri qala ákiminiń granttaryn aldy.

Respýblıkalyq «Úzdik pedagog» baıqaýy qalalyq týrynyń jeńimpazdaryna aqshalaı syılyq berildi.

«Óz mamandyǵy boıynsha úzdikterdi anyqtaýǵa baǵyttalǵan shara daryndy muǵalimderdi qoldap, bedelin arttyryp, ozyq pedagogıkalyq tájirıbeni bólisý maqsatynda ótkiziledi», - dep atap ótti Baqytjan Saǵyntaev.

Mektepke jańa kelgen jas muǵalimder úshin osymen úshinshi jyl qatarynan bir rettik materıaldyq kómek kórsetiledi. Bıyl 556 jas mamanǵa 33 mln teńgeden astam qarjy berildi.

Muǵalimderdiń turǵyn úı jaǵdaıyn jaqsartýǵa erekshe kóńil bólinedi. «Almaty jastary 3.0» qalalyq baǵdarlamasy boıynsha ótken jyly bilim berý salasynyń 307 qyzmetkeri páter aldy.

Bıyl 245 pedagog jeńildetilgen nesıeni paıdalandy.

Kezdesý sońynda Almaty ákimi Bayqtjan Saǵyntaev barlyq pedagogtar men tálimgerlerge ıgi eńbekterine tabys tiledi.








Avtor Alma Muqanova
Basty sózder: Almaty, Ákim, Bilim,
Joǵary qaraı