Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda jyl basynan beri qansha joba qarjylandyryldy

2021 jyldyń 28 jeltoqsan 2021 14:10

ALMATY. QazAqparat – Almatyda nesıelendirýdiń memlekettik baǵdarlamalary aıasynda 3,6 myńnan astam jumys orny quryldy. Bul týraly Almaty qalasy ákiminiń orynbasary Maqsat Qıqymov málimdedi, dep habarlaıdy QazAqparat tilshisi.

Almaty qalasy ákiminiń orynbasarynyń aıtýynsha, Almatyda memlekettik jáne óńirlik nesıeleý baǵdarlamalaryn júzege asyrý barysynda jyldyq jospardaǵy 3 440 adamnyń ornyna 3 688 jańa jumys orny ashylǵan.

«Jalpy, qala bıznesi memlekettik qoldaýdyń barlyq sharalaryn belsendi qoldanady. Máselen, eger 2018-2019 jyldary negizinen iri jáne orta kásiporyndar qarjylandyrylǵan bolsa, ótken jyldan bastap «Bıznestiń jol kartasy-2025»-tiń mıkro jáne shaǵyn bıznesti qoldaý, sondaı-aq, baǵdarlamalarǵa ózgerister engizý boıynsha (birinshi baǵytyn engizýdiń arqasynda) mıkro jáne shaǵyn bıznesti qarjylandyrý boıynsha belsendi ósim baıqalady. Sanattar boıynsha aǵymdaǵy jyly barlyq jobalardyń jartysynan astamyn shaǵyn bıznes quraıdy (56%). Salalar bólinisinde negizgi úles ónerkásipke (35%) jáne kólikke (13,1%) tıesili. Aýdandar boıynsha qarjylandyrylǵan jobalardyń eń kóp sany megapolıstiń Áýezov (17%), Almaly (16,7%), Bostandyq (14,5%) jáne Alataý (14,2%) aýdandarynda baıqalady», - dep málimdedi Almaty qalasy ákiminiń orynbasary Maqsat Qıqymov.

«BJK–2025» baǵdarlamasy boınysha bıyl 184,6 mlrd teńge nesıe somasyna 2 815 joba qarjylandyryldy.

Onyń ishinde 231 jobaǵa bólingen qaıtarymsyz ınnovatsııalyq granttyń jalpy somasy 690 mln teńge.

Ol boıynsha myna salalar eń kóp qarjylandyryldy: kólik jáne qoımalaý – 19,1%, saýda jáne qyzmetter – 18,9% jáne ónerkásip – 14,3%.

Memlekettik baǵdarlamalar aıasynda: «Qarapaıym zattar ekonomıkasy» - 41,7 mlrd teńge nesıe somasyna 28 joba, «AÓK» - 36,2 mlrd teńge somasyna 15 joba, «Eńbek» - 1,5 mlrd teńgege 102 joba qarjylandyryldy.

Óńirlik baǵdarlamalar aıasynda: «Almaty Business» boıynsha - 8,9 mlrd teńgege 119 joba, «Almaty Business - 2025» boıynsha - 5,5 mlrd teńgege 133 joba qarjylandyryldy.

«Qala shetindegi bıznesti qoldaý da mańyzdy. Baǵdarlama iskerlik belsendiligi tómen aýdandarda keń tanymaldylyqqa ıe boldy, oǵan qalanyń 5 aýdany (Alataý, Áýezov, Jetisý, Naýryzbaı, Túrksib) kiredi. Búginde atalǵan aýdandarda 3,3 mlrd teńgeden astam somaǵa 74 joba qarjylandyryldy», - dep atap ótti Maqsat Qıqymov.


Joǵary qaraı