Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda jyl basynan beri 77 myńnan astam jumys orny ashyldy

2020 jyldyń 7 jeltoqsan 2020 19:45

ALMATY. QazAqparat – Almaty ákimi Baqytjan Saǵyntaev Ortalyq kommýnıkatsııalar qyzmetinde ótken brıfıngide qalada jumys oryndaryn qurý jáne ındýstrııalyq jobalardy iske asyrý sharalary týraly aıtyp berdi, dep habarlaıdy QazAqparat tilshisi.

Megapolıs ákimi B. Saǵyntaev málim etkendeı, 1 jeltoqsandaǵy jaǵdaı boıynsha Almatyda 77,6 myń jańa, sonyń ishinde 36,9 myń turaqty jumys orny quryldy. Kásipkerlik sýbektiler 29,8 myń jumys ornyn ashty.

«Almaty ákimdigi júzege asyrǵan daǵdarysqa qarsy sharalar paketi azamattardyń jumys oryndary men kiristerin saqtaýǵa,shaǵyn jáne orta bıznesti qoldaýǵa, óndiristik tizbektegi jańa tapsyrystardy yntalandyrýǵa baǵyttalǵan», - dep atap ótti Almaty ákimi Baqytjan Saǵyntaev.

Barlyq memlekettik baǵdarlama aıasynda 47,8 myń jumys orny quryldy. Onyń ishinde «Eńbek» memlekettik baǵdarlamasy boıynsha –18 648 oryn, «Jumyspen qamtýdyń jol kartasy - 2020» – 21 689, «Bıznestiń jol kartasy - 2025» – 3 540, «Qarapaıym zattar ekonomıkasy» –1 419, óńirlerdi damytý –824, «Nurly jer» – 455, ındýstrııaldy-ınnovatsııalyq damý – 869, bilim men ǵylymdy damytý – 70.

«Bıznestiń jol kartasy - 2025» memlekettik baǵdarlamasy boıynsha 102 mlrd teńgemen 556 jobaǵa qoldaý kórsetildi. «Qarapaıym zattar ekonomıkasy» baǵdarlamasy boıynsha 1,4 myń turaqty jumys ornyn qurý arqyly 121,2 mlrd teńgemen 66 joba maquldandy.«Jumyspen qamtýdyń jol kartasy» boıynsha aǵymdaǵy jyly 21,7 myń jumys ornyn qurý arqyly 228 joba júzege asyrylýda. Sonyń ishinde Jumyspen qamtý ortalyǵy arqyly shamamen 10,7 myń adam eńbekpen qamtyldy»,– dep atap ótti ákim.

Sonymen qatar,ol Almatynyń Indýstrıaldy aımaǵynda 6,5 myń jumys ornyn qurýmen 200 mlrd teńgege 53 joba júzege asyrylyp jatqanyn jetkizdi. Búgingi tańda 2348 jumys ornyn qurýmen 63,5 mlrd teńgege 13 joba iske asyryldy. Jyl sońyna deıin taǵy 453 jumys orny ashylady. Sondaı-aq 17,3 mlrd teńgege 6 jobany iske qosý josparda.


Joǵary qaraı