Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda JRVI-men aýyrǵandardyń 72 paıyzy balalar

2022 jyldyń 17 mamyr 2022 17:09

ALMATY. QazAqparat - Almatyda jiti respıratorlyq vırýstyq ınfektsııany (JRVI) balalar kóp juqtyrǵan, dep habarlaıdy QazAqparat tilshisi.

Almaty qalalyq sanıtarııalyq-epıdemıologııalyq baqylaý departamentiniń málimetinshe, jyl basynan bergi 19 aptasynda qalada JRVI-diń 2 384 jaǵdaıy tirkelgen. Bul ótken jyldyń uqsas kezeńindegi kórsetkishten 32,7%-ǵa tómen. Degenmen, qalada JRVI-men aýyrý 14 jasqa deıingi balalar arasynda kóp tirkeldi. Olardyń úles salmaǵy 72,0%-dy qurady.

«Ótken jyldyń 1 qazanynan bıylǵy 11 mamyrǵa deıin barlyǵy 192 890 JRVI deregi tirkeldi. Bul ótken jyldyń sáıkes kezeńimen salystyrǵanda 28,6%-ǵa joǵary. Balalardyń aýrýshańdyǵy 59,2%-dy kórsetti. Sondaı-aq, aǵymdaǵy epıdemıologııalyq maýsym bastalǵaly beri qalada A/H3N2 tıpti tumaý vırýsy, basqa da JRVI vırýstary júr. Mysaly, RS vırýsy, adenovırýs, rınovırýs jáne maýsymdyq koronavırýs aınalymda. Jalpy tumaýmen syrqattanýdyń 51 jaǵdaıy tirkelip, barlyq naýqastar em aldy», - delinedi vedomstvo habarlamasynda.

Osyǵan baılanysty, qalalyq sanıtarııalyq-epıdemıologııalyq baqylaý departamenti qala turǵyndaryn JRVI, tumaýǵa qarsy aldyn alýdyń jalpy sharalaryn saqtaýǵa shaqyrdy.

«JRVI-men aýyratyn naýqastarmen janasýdan aýlaq bolyńyz, eger syrqattanǵan adammen baılanysqa túsken bolsańyz, onda maska kıip, oksolın maıyn qoldanyńyz;

- aýrýǵa shaldyqqan jaǵdaıda úıde bolý, ózin-ózi emdeýmen aınalyspaý, medıtsına qyzmetkerin shaqyryp, otbasy ortasynda nemese ujymda bolǵan kezde maska kııý, dárigerdiń taǵaıyndaýy boıynsha em alý qajet;

- túshkirý jáne jótel kezinde aýzyńyzdy qolyńyzben, maılyqpen, sharfpen jaýyp, qolyńyzdy múmkindiginshe jıi jýyńyz;

- ımmýndyq júıeni arttyrý: S vıtamınin jáne dárigerdiń usynysy boıynsha basqa dári-dárimekterdi qoldaný;

- qashyqtyqty saqtaý, kóp adam jınalǵan is-sharalarǵa qatysýdy qysqartý, ásirese JRVI, tumaý aýrýynyń kóterilýi kezeńinde, úı-jaılardy ylǵaldy jınaý júrgizýmen jeldetý;

- aýrý balalardy mektepterge, mektepke deıingi balalar mekemelerine jibermeý.

Osy qarapaıym erejelerdi saqtaý tumaý men JRVI-diń aldyn alýǵa kómektesedi», - dep eskertti departamentten.

Eske salaıyq, buǵan deıin Almatyda tumaý men JRVI-ǵa shaldyǵý azaıǵanyn jazǵan bolatynbyz.


Avtor Dýman Arǵyngeldi
Basty sózder: Densaýlyq, Medıtsına, Almaty,
Joǵary qaraı