Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jóndelgen skverler men áıgili sýburqaq ashyldy

2021 jyldyń 19 qyrkúıek 2021 22:34

ALMATY. QazAqparat - Almatyda qala kúnine oraı aty tanymal sýburqaq iske qosylyp, jóndeýden ótken Abaı atyndaǵy Ulttyq akademııalyq opera jáne balet teatry ǵımaratynyń aldyndaǵy gúlzar ashyldy, dep habarlaıdy QazAqparat tilshisi.

Megapolıs ákimi Baqytjan Saǵyntaev júrgizilgen jumystyń kólemi men sapasyn baǵalap, aýmaqty abattandyrý jobasyn talqylaýǵa qatysqan osy aýdannyń turǵyndarymen áńgimelesti.

Ákimdik taratqan málimetke sáıkes, Abaı atyndaǵy QUAOB aınalasyndaǵy búkil sáýlet ansamblin qalpyna keltirý týraly sheshim qabyldanǵan. Osy jumysqa mamandar men sáýletshiler tartylyp, muraǵat derekteri men fotosýretter zertteldi. Sondyqtan barlyq bólikter barpynsha dáldikpen qalpyna keltirildi.





«Nedelka» sýburqaǵynyń shamdary, arkalary men «abajýrlary» qalpyna keltirildi. Sonymen qatar, kireberistegi bir kezderi joıylǵan sýburqaqtar qalpyna keltirildi.

Aldaǵy ýaqytta saıabaqtar men skverlerdi qaıta qurý arqyly turǵyndarǵa jaıly orta men súıikti demalys oryndary paıdalanýǵa beriledi. Mundaı jumys qalanyń barlyq aýdanynda, sonyń ishinde eń shalǵaı shaǵyn aýdandarda da júzege asady.





Abaı atyndaǵy QUAOB alańy, «Nedelka» sýburqaǵy, Qasteev saıabaǵy, Botanıka baǵy, Tuńǵysh Prezıdent saıabaǵy qalanyń ózindik tutas jasyl beldeýin quraıdy.

«Bul jer qonaqtar men sheteldik týrıster úshin tartymdy aımaq bolmaq. Olar sýdyń ústinde ilýli turǵan jeti arkadan ulttyq naqyshty kóre alady. Sol mańǵa ádemi kórik berip turǵan jańarǵan «Nedelka» keshke erekshe. Mańaıy jaryq ári jaıly oryndar keshki Almatynyń biregeı atmosferasyn syılaıdy», - deıdi Jasyl ekonomıka basqarmasynyń basshysy Natalıa Lıvınskaıa.





Skver men «Nedelka» sýburqaǵynyń ashylýyna kelgen qala turǵyndary súıikti orynnyń qulpyrǵanyn aıtyp. saıabaq úshin alǵys bildirdi.





Avtor Dýman Arǵyngeldi
Basty sózder: Ákim, Almaty,
Joǵary qaraı