Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jeltoqsanshylardyń qurmetine patrıottyq ánder keshi ótti

2021 jyldyń 4 jeltoqsan 2021 21:35

ALMATY. QazAqparat- Almaty qalasynyń «Alataý» dástúrli óner teatrynyń sahnasynda «Bostandyq jalyny» patrıottyq ánder keshi ótti, dep habaralıdy QazAqparat tilshisi.

Ánshiler men aıtyskerler 1986 jylǵy oqıǵalardy eske salatyn ánderdi oryndady. Sahnada táýelsizdik, Otan, Jeltoqsan batyrlaryna arnalǵan ánder shyrqaldy.

Sharany ashqan Almaty qalasy mádenıet basqarmasynyń basshysy Ǵanı Maılybaev kontserttiń jastar arasynda otansúıgishtikke tárbıeleýge baǵyttalǵanyn atap ótti. Sondaı-aq, kesh qonaqtary men kórermenderdi elimizdiń basty merekesimen quttyqtap, Qazaqstannyń táýelsizdik jyldaryndaǵy jetistikterin aıtty.

Patrıottyq ánderdiń keshine Ramazan Stamǵazıev, Ushqyn Jamalbek, Ómirqul Aınııazov, Qorlan Qartenbaeva, Gúlnar Baıbosynova, Ǵazızhan Shekerbek jáne Alma Amanjolova, Áset Esjan, Bıbigúl Qılymhan, Narıman Ábdirahmanov syndy óner sańlaqtary qatysty. Sondaı-aq, «Asyl dombyra» aıtysynyń jeńimpazy Qaziret Berdihan jáne «Altyn dombyra» aıtyskerler baıqaýynyń jeńimpazy Rústem Qaıyrtaıuly qatysty.

«Alataý» dástúrli óner teatrynyń dırektory Rınat Zaıtov osyndaı patrıottyq ánder keshin jyl saıyn ótkizýdi usyndy. Jeltoqsan oqıǵasyna qatysýshylardy Táýelsizdiktiń 30 jyldyǵymen quttyqtap, olarǵa alǵys hattar men estelik syılyqtardy tabys etti.

Avtor Dýman Arǵyngeldi
Basty sózder: Almaty, Mádenıet,
Joǵary qaraı