Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jekemenshik balabaqshalar memleket menshigine qaıtarylady

2021 jyldyń 2 jeltoqsan 2021 22:10

ALMATY. QazAqparat - Almatyda oryn tapshylyǵyn sheshý úshin jekemenshik balabaqshalar memleket menshigine qaıtarylyp jatyr. Bul týraly qala ákiminiń orynbasary Іlııas Óserov aıtty, dep habarlaıdy QazAqparat tilshisi.

Spıkerdiń sózinshe, Almatyda mektepke deıingi mekemelerge qajettilik bar.

Sondyqtan, jańalaryn salýmen qatar, mektepke deıingi balalar mekemeleriniń ǵımarattaryn qala menshigine qaıtarý júrgizilýde.

«Bul ǵımarattardy jalǵa berý merzimi aıaqtalǵannan keıin ákimdik jeke kásipkerlermen sharttardy uzartpaıdy. Keıinnen osy obektilerde memlekettik balabaqshalar ashylatyn bolady. Aıta ketsek, qazirgi ýaqytta kóptegen nysandar qanaǵattanarlyqsyz jaǵdaıda, jobalyq qýattylyqty arttyrý jáne seısmıkalyq kúsheıtý arqyly jóndeý jumystary júrgiziledi. Oryn sanyn 1200-den 1800-ge deıin arttyrý kózdelip otyr», - dedi Іlııas Óserov.

Sondaı-aq, ákim orynbasarynyń aıtýynsha, jekeshelendirýdiń 2021-2025 jyldarǵa arnalǵan keshendi josparyna sáıkes Almaty boıynsha úsh balalar mýzykalyq mektebin - №1 (hor), Prokofev atyndaǵy №3 jáne №11 jeke sektorǵa berý josparlanǵan.

Alaıda, balalardy mektepten tys tegin, onyń ishinde mýzykalyq bilimmen barynsha qamtýǵa baılanysty bul mektepter jekeshelendiriletinder tiziminen shyǵaryldy.

Bul rette jekeshelendiriletin obektiler tizbesinen úsh strategııalyq kásiporyndy – «Almatyelektrotrans» JShS, «EkoAlmaty» JShS jáne ShJQ «Almaty tazalyq» MKK alyp tastaý jumysy júrip jatyr.

«Sonymen qatar, Almaty temir jol aýrýhanasynyń medıtsınalyq qyzmet beıinin odan ári saqtaı otyryp, memlekettik menshikte saqtaý boıynsha jumystar júrgizilýde. Osylaısha, 2018 jyly Qarjy mınıstrliginiń Memlekettik múlik jáne jekeshelendirý komıteti bul aýrýhanany osy kompanııaǵa úsh jyl merzimge senimgerlik basqarýǵa berdi. 2021 jyly senimgerlik basqarý shartymen birge bul nysan kommýnaldyq menshikke qabyldandy. Qazirgi kezde senimgerlik basqarý merzimi aıaqtaldy»,- deıdi ol.


Avtor Alma Muqanova
Basty sózder: Bala, Bilim, Almaty,
Joǵary qaraı