Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jedel járdem shaqyrý eki esege artty

2021 jyldyń 3 tamyz 2021 18:49

ALMATY. QazAqparat – Almatyda epıdemıologııalyq ahýaldyń nasharlaýyna baılanysty jedel járdem shaqyrtý eki eseden astamǵa artty. Bul týraly qalanyń Qoǵamdyq densaýlyq basqarmasy basshysynyń orynbasary Svetlana Sultanǵazıeva málim etti, dep habarlaıdy QazAqparat tilshisi.

«Búgingi kúni jedel járdem shaqyrtý artty – kúnine shamamen 3 700 qońyraý. Olardyń ishinde 2 700 shaqyrtý shuǵyldylyqtyń 1-3-inshi sanattaryna jatady, al qalǵan 1 000 shaqyrtý shuǵyldylyqtyń 4-sanatynan. Shaqyrtýlardyń shamamen 25-30% KVI jáne pnevmonııamen baılanysty. Jedel járdem shaqyrtý ótken aımen salystyrǵanda eki esege kóbeıdi», - dedi ol.

Qoǵamdyq densaýlyq basqarmasynan málim etkendeı, 2 tamyz kúni Almatyda koronavırýs juqtyrýdyń jańadan 1 531 jaǵdaıy (jergilikti) tirkeldi. Olardyń 1 388-i – sımptommen, 143-i – sımptomsyz. Infektsııalyq statsıonarlarda 4 852 naýqas (241 bala) jatyr. 7 045 oryn bos emes.

Medıtsınalyq-sanıtarlyq alǵashqy kómek jáne Telemedıtsına ortalyǵynyń mobıldi brıgadalarynyń qaraýynda úıde 10 045 naýqas jatyr. Olardyń 9 520-sy jeńil jáne orta dárejede aýyryp jatyr, 525-si – sımptomsyz.


Joǵary qaraı