Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda jedel medıtsınalyq járdem qyzmetine jańa reanımobılder berildi

2022 jyldyń 21 qańtar 2022 03:30

ALMATY. QazAqparat - Almatydaǵy sońǵy tártipsizdikter kezinde 32 jedel medıtsınalyq járdem kóligi zardap shekken bolatyn. Osy qıyn-qystaý kezeńde «ASTANA MOTORS» JShS kompanııasy Almatydaǵy Jedel medıtsınalyq járdem qyzmetine jańa 6 reanımobıl syıǵa tartty, dep habarlaıdy QazAqparat tilshisi.

«Almatyda qańtar aıynyń basyndaǵy qaıǵyly oqıǵalar kezinde 32 jedel járdem kóligi men medıtsınalyq uıymnyń 1 kóligi zaqymdaldy. Sondyqtan búgin berilip otyrǵan reanımobılder koronavırýs ınfektsııasynyń ósýi men jedel járdem qyzmetine júginýler kóbeıip jatqan qazirgi ýaqytta óte úlken kómek boldy», - dedi Almaty qalasy Jedel járdem qyzmetiniń dırektory Erbol Sársenbaev.

Hyundai H350 Ambulance jedel járdem kóliginde tájirıbesi bar dárigerler avtomobıldiń senimdiligin, qaýipsizdigin, fýnktsıonaldyǵy men qyzmet kórsetýdiń qarapaıymdylyǵyn atap ótti.




Jedel járdem kóliginiń artyqshylyǵy, jaılylyq pen jumsaqtyǵy, bul dárigerlerge aýrýhanaǵa barar jolda jansaqtaý is-sharalaryn tolyq júrgizýge múmkindik beredi.




Hyundai H350 jedel járdem kóligi Keden odaǵynyń tehnıkalyq reglamentterine, QR Densaýlyq saqtaý mınıstrliginiń jolaýshylardy tasymaldaýǵa arnalǵan kólik quraldaryna qoıylatyn talaptaryna sáıkes keledi jáne Eýro-5 ekologııalyq standarttaryna jaýap beredi.




Jańa reanımobılder alǵashqy medıtsınalyq kómek kórsetý úshin ókpeni jasandy jeldetý apparattary, qurylǵylarymen jáne ottegimen ıngalıatsııalaýǵa arnalǵan júıe jıyntyǵymen, defıbrıllıator-monıtorlarmen, elektrsorǵyshtarmen, arterııalyq qysymdy, pýlsoksımetrııany, temperatýrany ólsheý fýnktsııalary bar reanımatsııalyq-anestezıologııalyq monıtorlarmen jáne basqa da zamanaýı jabdyqtarmen jabdyqtalǵan.








Joǵary qaraı