Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jazýshy Ázilhan Nurshaıyqovqa arnalǵan kitap kórmesi ótti

2021 jyldyń 8 jeltoqsan 2021 22:03

ALMATY. QazAqparat - Almatyda jazýshy Ázilhan Nurshaıyqovtyń ómiri men shyǵarmashylyǵyna arnalǵan kitap kórmesi ótti, dep habarlaıdy QazAqparat tilshisi.

Ulttyq kitaphanada «Móldir mahabbat jyrshysy» atty kitap kórmesi Qazaqstannyń halyq jazýshysy, Abaı atyndaǵy Memlekettik syılyqtyń laýreaty Ázilhan Nurshaıyqovtyń ómiri men shyǵarmashylyǵyna arnaldy.

Kitaphananyń baspasóz qyzmetinen málim etkendeı, kórmeniń maqsaty oqyrman qaýymǵa Ázilhan Nurshaıyqovtyń ómiri men shyǵarmashylyǵy, onyń qoǵamdyq qyzmeti týraly keńirek tanystyrý bolyp tabylady.

Kitap kórmesinde oqyrman qaýym Á.Nurshaıyqovtyń jýrnalıstik, shyǵarmashylyq qyzmetimen jaqyn tanysýǵa múmkindik aldy. Sondaı-aq kórmede merzimdi basylym betterinde jazýshy týraly shyqqan materıaldar usynylǵan.

«QR Ulttyq kitaphanasynyń qorynda Qazaqstannyń Halyq jazýshysy Ázilhan Nurshaıyqovtyń ómiri men shyǵarmashylyǵy týraly 1000-ǵa jýyq materıal, onyń pýblıtsıstıkalyq maqalalary, jınaqtary, ocherkteri, áńgimeleri men romandary saqtalǵan»,- dedi baspasóz qyzmetinde.




Ázilhan Nurshaıyqov – «Jambylǵa hat», «Mahabbat qyzyq mol jyldar», «Aqıqat pen ańyz», «Qalamger jáne onyń dostary», «Máńgilik mahabbat jyry», «Ómir órnekteri» jáne t.b. kóptegen jınaqtar, ocherkter, áńgimeler, povester men romandardyń avtory. Keńes Odaǵynyń batyry Baýyrjan Momyshuly týraly «Aqıqat pen ańyz» romany úshin avtor Abaı atyndaǵy Qazaq KSR Memlekettik syılyǵyna (1978) ıe boldy.

«Qazaq KSR Halyq jazýshysy» qurmetti ataǵyna ıe (1990). «Eren eńbegi úshin» medalimen (1995), «Parasat» (2005) jáne «Otan» (2010) ordenderimen marapattalǵan.


Joǵary qaraı