Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «Jasyl qala» naýqany aıasynda kóshetter tegin taratylyp jatyr

2021 jyldyń 20 qazan 2021 22:15

ALMATY. QazAqparat - Almaty ákimi Baqytjan Saǵyntaev«Almaty» telearnasyndaǵy Akimat LIVE baǵdarlamasynyń tikeleı efırinde «Jasyl qala» naýqany qalaı júzege asyp jatqanyn aıtty, dep habarlaıdy QazAqparat tilshisi.

Eske sala keteıik, buǵan deıin Almatyda «Jasyl qala» naýqany bastalǵanyn jazǵan bolatynbyz.

Qala ákiminiń aıtýynsha, almatylyqtar «Jasyl qala» naýqanynyń alǵashqy eki kúninde 500 kóshetke ótinim berdi.

Kóshetterdi tegin taratý naýqany qala turǵyndaryn kóppáterli úılerdiń aýlalary men jalpy paıdalaný oryndaryn kógaldandyrýǵa tartý maqsatynda ótkiziledi.

Jalpy, qalada bıyl 350 myńǵa jýyq aǵash otyrǵyzý josparlanǵan. Onyń 64 594-i kóktemde otyrǵyzyldy.

Kúzgi kezeńde 285 myńnan astam kóshet otyrǵyzý josparlanǵan.

Qalanyń jańa yqsham aýdandaryn kógaldandyrýǵa erekshe kóńil bólinedi. Aǵashtardyń basym bóligi Alataý, Naýryzbaı aýdandarynda otyrǵyzylady.

Búginde Túrksib aýdanynyń Maıak shaǵyn aýdanynda 280 túp japyraqty aǵash otyrǵyzyldy.

ShAAJ jáne Qaraǵaıly bordyń boıyna 8 myńnan astam aǵash otyrǵyzýdyń daıyndyǵy bastaldy.

Sóz sońynda shahar basshysy «Almatylyqtardyń kógaldandyrýǵa qatysýy - qalanyń jasyl qoryna uqypty qaraýyn qalyptastyrady» dep atap ótti.


Avtor Dýman Arǵyngeldi
Basty sózder: Ekologııa, Almaty, Ákim,
Joǵary qaraı