Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jasóspirimder arasyndaǵy qylmys 11,6%-ǵa tómendedi

2021 jyldyń 10 shilde 2021 11:45

ALMATY. QazAqparat – Almatyda kámeletke tolmaǵan balalardyń quqyqtaryn qorǵaý jónindegi qalalyq komıssııanyń otyrysy ótti, dep habarlaıdy QazAqparat tilshisi.

Almaty qalasy ákiminiń orynbasary Erjan Babaqumarovtyń tóraǵalyǵymen jáne Almaty qalasy prokýrorynyń kómekshisi Ǵ. Janbekovanyń qatysýymen onlaın formatta kámeletke tolmaǵandardyń isteri men olardyń quqyqtaryn qorǵaý jónindegi qalalyq vedomstvoaralyq komıssııanyń otyrysy ótti.

Otyrysta kámeletke tolmaǵan jasóspirimderge qatysty qylmys pen quqyq buzýshylyqtar qaraldy. ıÝvenaldy polıtsııanyń deregi boıynsha 6 aıdyń ishinde jasóspirimder arasyndaǵy qylmystyń 11,6%-ǵa tómendegeni baıqaldy. Júrgizilgen taldaýǵa sáıkes, jasalǵan quqyq buzýshylyqtardyń 40%-y óńirlerden kelgen adamdarǵa qatysty. Jasóspirimder qıyn ómirlik jaǵdaıǵa tap bolǵan balalardy qoldaý ortalyǵyna jiberiledi.

Sondaı-aq kámeletke tolmaǵandarǵa qatysty jasalǵan qylmystardyń sany 20%-ǵa tómendedi. Kámeletke tolmaǵandardyń oıyn-saýyq mekemelerinde (saǵat 22.00-den keıin) jáne turǵyn úı-jaılarynan tys jerlerde (saǵat 23.00-den keıin) túngi ýaqytta zańdy ókilderiniń bolmaýynan 3573 (2020 j. – 3018) ata-ana ákimshilik jaýapqa tartyldy.

Sonymen qatar, Alataý aýdany ákimdigi janyndaǵy qylmystyń aldyn alý jónindegi komıssııa tóraǵasynyń esebi tyńdaldy. Atap aıtqanda, táýekel tobyndaǵy otbasylarmen jáne kámeletke tolmaǵandar arasynda qylmysqa jol bermeý úshin aldyn alý is-sharalaryn qarastyrdy. Basqa da aýdandyq komıssııalardyń tóraǵalary da kestege sáıkes tyńdalady. Aıta ketsek, jarty jyldyń ishinde aýdandyq komıssııa otyrystarynda kámeletke tolmaǵandardyń múddesi úshin túrli faktiler boıynsha 197 materıal qaraldy.

Erjan Babaqumarov qala aýmaǵynda ornalasqan kolledj stýdentteri jasaǵan qylmystyq faktilerge nazar aýdardy. Osy baǵytta kolledj, sondaı-aq jalpy orta bilim berý mekemeleriniń oqýshylarymen jáne basshylyǵymen túsindirý jumystaryn júrgizý, sondaı-aq jasóspirimderdi oqýdan tys ýaqytta jumyspen qamtýdy uıymdastyrý tapsyryldy.


Avtor Alma Muqanova
Basty sózder: Almaty, Qylmyspen kúres, QR ІІM, Jastar,
Joǵary qaraı