Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda jappaı tártipsizdik kezinde jol ınfraqurylymyna qansha shyǵyn keltirildi

2022 jyldyń 24 qańtar 2022 14:20

ALMATY. QazAqparat - Qala ákimdiginiń aldyn ala boljamy boıynsha jol qozǵalysyn retteýdiń tehnıkalyq quraldaryna 60 mln teńgege jýyq shyǵyn keltirildi. Bul týraly qalalyq mobıldilik basqarmasynyń basshysy Ǵanı Myrzahanov onlaın brıfıng barysynda málim etti, dep habarlaıdy QazAqparat tilshisi.

Ǵanı Murzahanovtyń aıtýynsha, qańtar aıyndaǵy tártipsizdik kezinde 46 baǵdarsham zaqymdandy. 120-dan astam mańdaısha men panelder synǵan. Qazirgi ýaqytta barlyq nysandar qalpyna keltirildi.

«2 myń sharshy metrden astam trotýar jabyndysy buzyldy - bul negizinen Raıymbek dańǵyly men Tóle bı kóshesiniń boıyndaǵy trotýarlar. Qazir onyń bári qalpyna keltirildi. Sonymen qatar, tehnıka janyp ketken jerlerdegi asfalttar aýystyryldy»,-deıdi ol.

Sonymen qatar, basqarma basshysy jappaı tártipsizdikter kezinde jol ınfraqurylymyna shamamen 60 mln teńge shyǵyn keltirilgenin málim etti.

«Naqty shyǵyndy dóp basyp aıta almaımyn. Alaıda aldyn ala boljam boıynsha 60 mln teńge. Jol qozǵalysyn retteýdiń tehnıkalyq quraldaryna 50 mln teńge, jol jabyndysyna 10 mln teńgege jýyq shyǵyn keldi»,- deıdi spıker.


Joǵary qaraı