Aýa raıy
Astana -19 °S
Almaty -13 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jappaı aǵash kesý: merdigerlerge aıyppul salyndy

2020 jyldyń 24 qarasha 2020 05:18

ALMATY.QazAqparat - Almaty qalalyq Jasyl ekonomıka basqarmasy saýda úıiniń aldyndaǵy aǵashtardyń jappaı kesilýiniń mán-jaıyn anyqtady, dep habarlaıdy QazAqparat tilshisi.

23 qarasha kúni Almaty qalalyq jasyl ekonomıka basqarmasy, tabıǵatty qorǵaý polıtsııasy, Almaly aýdandyq qorshaǵan ortany qorǵaý jáne ekologııa basqarmasynyń mamandary aǵashtardyń otalýynyń mán-jaıyn anyqtaý úshin Tóle bı kóshesi, 187 mekenjaıyna bardy.

« Atalǵan mekenjaıda 13 aǵashtyń (9 emen jáne 4 qaraǵash) alynyp tastalǵany anyqtaldy. Sulpak merdigerleri - «Sakýra»JK men «Bóribekova» JK Tóle bı kóshesi, 187 ǵımarattyń janynda abattandyrý jumystaryn júrgizip jatyr. «Arena S» JShS (Sulpak) pen ǵımarat ıeleri jáne eki jeke kisipker - «Sakýra» men «Bóribekova» arasynda demontaj jumystaryn júrgizý, trotýar plıtalaryn qaıta qalypyna keltirý jáne aǵshtardy kesý boıynsha kelisimsharttar jasalǵan. Otalǵan aǵashtarǵa keltirilgen zııandy anyqtaý úshin Jasyl ekonomıka basqarmasy Іle Alataý ulttyq tabıǵı parkine suranys joldady. Onyń jaýaptary boıynsha osy buzýshylyqtyń kvalıfıkatsııasy jasalady «, - dep habarlady basqarmadan.

Sondaı-aq basqarmanyń habarlaýynsha, «Sakýra» JK dırektory A.Chertıhınaǵa qatysty, polıtsııa Qazaqstan Respýblıkasynyń ákimshilik kodeksiniń 437 baby, 1-bóligine sáıkes ákimshilik hattama toltyryp. 20 AEK ıaǵnı 55 560 teńge aıyppul saldy.

«Bóribekova» JK-ne qatysty irgeles aýmaqty ýaqtyly tazartpaǵany úshin QR ÁQBtK-niń 505-baby, 1-bóligi boıynsha, 30 AEK mólsherinde, 83340 teńgege ákimshilik hattama jasaldy.

Buǵan deıin, Almaty turǵyndary emen jáne qaraǵashty otap tastaǵandarǵa narazylyq bildirgen bolatyn.


Avtor Alma Muqanova
Basty sózder: Ekologııa, Almaty,
Joǵary qaraı