Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda janarmaı beketinde tóbeleskenderdiń kim ekeni anyqtaldy

2021 jyldyń 19 qazan 2021 14:12

ALMATY. QazAqparat - Jelide Almatydaǵy janarmaı quıý beketteriniń birinde bir top jastyń tóbelesiniń vıdeosy paıda boldy. Polıtsııa osy oqıǵaǵa qatysýshylardyń barlyǵyn anyqtady, dep habarlaıdy QazAqparat tilshisi.

Jelige shyqqan vıdeo astyndaǵy postta: «Karsherıng» mashınasyndaǵy jastar ý-shý shyǵardy» dep jazyldy. Posttyń avtory kadr syrtynda oqıǵanyń Seıfýllın kóshesindegi janarmaı quıý beketteriniń birinde bolǵanyn aıtty.

Atalǵan oqıǵa boıynsha Almaty qalalyq Polıtsııa departamentinde resmı málimdeme jasady.

«Atalǵan faktini Jetisý aýdandyq polıtsııa basqarmasy QR Qylmystyq kodeksiniń 293-baby (Buzaqylyq) boıynsha sotqa deıingi tergep-tekserýdiń biryńǵaı tizilimine tirkedi. Janjalǵa qatysýshylar anyqtalyp, jaýapqa tartylatyn bolady»,- dep jaýap berdi qalalyq polıtsııa departamentiniń baspasóz qyzmetinde.


Joǵary qaraı