Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jańa ýnıversıtet ashyldy

2021 jyldyń 21 qazan 2021 16:58

ALMATY. QazAqparat - Almatyda De Montfort University Kazakhstan halyqaralyq ýnıversıteti ashyldy, dep habarlaıdy QazAqparat tilshisi.

Almaty ákimi De Montfort University Kazakhstan ýnıversıtetiniń rektory Djeıms Paýndermen kezdesti. Taraptar jumystyń perspektıvalyq josparlaryn talqylady.

Máselen, oqý baǵdarlamasyna ІT, kreatıvti ındýstrııa boıynsha mamandyqtar engiziledi.

Bul baǵyttarǵa Almatynyń 2050 jylǵa deıingi damý strategııasynda erekshe kóńil bólingen.

Bul Qazaqstanda oqytýǵa lıtsenzııa alǵan jáne úzdik bilim berý standartyn engizý úshin qurylǵan alǵashqy sheteldik ýnıversıtet.

Túlekterge DMU Lester Ýnıversıteti (Ulybrıtanııa) dárejesi beriledi.

«Bizdiń jastarymyz Almatydan ketpeı-aq bedeldi joǵary oqý ornynda joǵary bilim alý múmkindigine ıe bolady. Qyzyǵýshylyq bildirgender az emes. Birinshi kýrsqa 700 talapker úmitker boldy. Bakalavrıatqa 145 stýdent tústi. Kelesi jyldan bastap magıstratýra ashylady», - dep atap ótti Baqytjan Saǵyntaev.

Jańadan ashylǵan JOO-da oqytý dárister, beıresmı semınarlar, praktıkalyq sabaqtar, master-klastar, pikirtalastar jáne onlaın oqytý arqyly júzege asyrylady.

Sabaqtardy halyqaralyq deńgeıdegi joǵary bilikti oqytýshylar ótkizedi.

Oqytýda bolashaq menedjerler men kásipkerlerdiń praktıkalyq daǵdylaryn tereńdetip damytýǵa yqpal etetin naqty bıznes-keıster men oqý tásilderi qoldanylady.

Jalpy, ýnıversıtet Almatyda 20 mln dollar ınvestıtsııamen álemdik deńgeıdegi jeke kampýstyń qurylysyn bastaýǵa nıet bildirýde.


Avtor Alma Muqanova
Basty sózder: Almaty, Bilim, JOO-lar,
Joǵary qaraı