Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jańa eki metro stantsııasy qashan iske qosylady

2021 jyldyń 2 jeltoqsan 2021 15:40

ALMATY. QazAqparat - M. Áýezov aýdanynyń ákimi Saıran Saıfedenov brıfıng barysynda jańa «Saryarqa» jáne «Baýyrjan Momyshuly» metro stantsııalary qashan iske qosylatynyn aıtty, dep habarlaıdy QazAqparat tilshisi.

«Qazirgi tańda aýdan aýmaǵynda jolaýshylar arasynda úlken suranysqa ıe bir ǵana «Máskeý» stansasy bar. Búgingi kúni taǵy ekeýi salynyp jatyr. Olar «Saryarqa» jáne «Baýyrjan Momyshuly» stansalary. Eki bekette de árleý jumystary aıaqtalýǵa jaqyn. Sodan keıin jyljymaly quramdy synaý júrgiziledi. Shamamen metropolıten ákimshiliginiń boljamy boıynsha, kelesi jyldyń birinshi jáne ekinshi toqsanynda iske qosý josparlanyp otyr», - dedi aýdan ákimi Saıran Saıfedenov.

Sonymen qatar, ol vagon men poıyzdy synaqtan ótkizý belgili bir ýaqytty qajet etetinin jetkizdi.

«Synaqtan keıin jolaýshylar jelileri iske qosylyp, metro ashylady», - dedi spıker.

Aıta keteıik, Táýelsizdiktiń 30 jyldyǵynda Tuńǵysh Prezıdent kúni qarsańynda jáne Almaty metropolıteniniń 10 jyldyǵyna oraı Almaty metropolıteni úshin arnaıy ázirlengen Ońtústik Koreıanyń Hyundai Rotem kompanııasy shyǵarǵan 8 jańa poıyz paıdalanýǵa berildi.



Avtor Alma Muqanova
Basty sózder: Kólik, Almaty,
Joǵary qaraı