Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda zardap shekken 27 nysannyń ony bıýdjet esebinen jóndeledi

2022 jyldyń 17 qańtar 2022 14:15

ALMATY. QazAqparat - Almaty ákimi Baqytjan Saǵyntaevtyń tóraǵalyǵymen ótken apparattyq keńeste jaıly qalalyq orta basqarmasynyń basshysy Sapar Nurashev qalanyń zardap shekken nysandaryndaǵy qalpyna keltirý jumysy týraly esep berdi, dep habarlaıdy QazAqparat tilshisi.

Sapar Nurashevtiń aıtýynsha, jekemenshiktegi nysandar shaǵyn jáne orta sanatyna aýystyryldy.

Olar - «Mır 24» telearnasy, «Almaty halyqaralyq áýejaıy» ǵımaraty, Nur Otan partııasynyń ǵımaraty (Tóle bı kóshesi, 277).

Sonymen qatar, kelissóz barysynda Tuńǵysh Prezıdent qorynyń ǵımaratyn qordyń óz qarajaty esebinen qalpyna keltirý týraly sheshim qabyldandy.

«27 nysan qaıta qalpyna keltirýge jatady, onyń ishinde 10 obekti boıynsha qalpyna keltirý bıýdjet qarajaty esebinen júrgiziledi. Olar: ákimdik ǵımaraty, «Qazaqstan» telearnasy, Prezıdent rezıdentsııasy, prokýratýra ókildiginiń jáne quqyqtyq statıstıka jáne arnaıy esepke alý jónindegi komıtet basqarmasynyń ǵımaraty. Sondaı-aq 6 nysanǵa aǵymdaǵy jóndeý jumysy júrgizildi: polıtsııa departamentiniń ǵımaraty jáne front-ofıs, Almaly aýdandyq polıtsııa basqarmasynyń ǵımaraty jáne front-ofıs, Almaly aýdandyq polıtsııa bóliminiń ǵımaraty jáne front-ofıs», – dep atap ótti qalalyq jaıly orta basqarmasynyń basshysy.

Ol «QazQSǴZI» AQ, «Qazmırr» AQ (qazaqstandyq kópsalaly qaıta qurý jáne damý ınstıtýty – Prezıdent Rezıdentsııasynyń ǵımaraty) ınstıtýtymen jáne basqa da akkredıttelgen uıymdarmen tehnıkalyq tekserý, JSQ ázirleý jáne aǵymdaǵy jóndeý boıynsha smetalyq esepter boıynsha jumystar júrgizilip jatqanyn habarlady.

Qalǵan 17 nysan az ǵana shyǵynǵa ushyrady, sonyń negizinde qalpyna keltirý bıznestiń áleýmettik jaýapkershiligi aıasynda júrgiziledi.

Bul 5 nysan: №7 qalalyq klınıkalyq aýrýhana, qalalyq kardıologııalyq ortalyq, №1 perzenthana, Almaly aýdanynyń MSAK №12 ortalyq klınıkalyq aýrýhanasy; polıtsııa departamentiniń 10 modýldik beketi; Áýezov jáne Jetisý aýdandarynyń front-keńseleri bar 2 polıtsııa basqarmasynyń ǵımaraty.

Sapar Nurashevtiń aıtýynsha, Qurylys komıteti basshysynyń tóraǵalyǵymen birneshe keńes ótkizilip, onda tıisti sheshim qabyldanǵan.

«21 qańtarǵa deıin barlyq nysan boıynsha smetalyq esep daıyndalady. 25 qańtarǵa deıin tehnıkalyq tekserý aıaqtalady. Al, 15 naýryzǵa deıin kúrdeli jóndeý men qaıta jańartý júrgiziletin obektiler boıynsha JSQ ázirlenedi»,- dedi ol.


Joǵary qaraı