Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda zańsyz satylǵan uńǵyma memleketke qaıtaryldy

2021 jyldyń 21 qyrkúıek 2021 16:13

ALMATY. QazAqparat – Almatyda zańsyz satylǵan uńǵyma memleketke qaıtaryldy. Bul týraly Almaty qalalyq prokýratýranyń baspasóz qyzmeti málim etti, dep habarlaıdy QazAqparat tilshisi.

Vedomstvanyń málimetinshe, Almaty qalasy prokýratýrasynyń talap aryzy boıynsha Bostandyq aýdanyndaǵy «Ermensaı» shaǵynaýdanynyń turǵyndaryn sýmen qamtamasyz etetin sý sorǵysh stantsııasy bar aýdany 1 ga jer ýchaskesi memlekettik menshikke qaıtaryldy.

«Taldaý 2007 jylǵa deıin áleýmettik mańyzy bar nysan memlekettik menshikte, «Eńbek» respýblıkalyq memlekettik kásipornynyń sharýashylyq basqarý quqyǵynda bolǵany anyqtaldy.

Almaty oblysy, Qarasaı aýdany ákimdiginiń jáne «Eńbek» RMK qyzmetkerleri ýákiletti organnyń ruqsatynsyz «O» JShS jerin 470 400 teńgege zańsyz satqan. Bul laýazymdy tulǵalar ártúrli qylmystar úshin sottalǵan bolatyn»,- dep habarlady prokýratýradan.

Uńǵymany satqannan keıin kompanııa aýdan turǵyndaryna sýdy sata bastaǵan.

«Alaıda aýyz sýdyń sapasy, káriz jelisiniń tozýy jáne tarıfterdiń turaqsyzdyǵy aýdan turǵyndarynyń narazylyǵyn týdyrdy, sondaı-aq osy faktiler boıynsha ártúrli organdarǵa kóptegen ótinishter kelip tústi.Taldaý qorytyndysy boıynsha prokýratýra Almaty qalasynyń mamandandyrylǵan aýdanaralyq ekonomıkalyq sotyna talap aryzben júgindi. Sot talap aryzdy tolyq kólemde qanaǵattandyrdy, atap aıtqanda, uńǵymamen ýchaskeni satyp alý-satý sharty jáne jekemenshik quqyǵy aktisi jaramsyz dep tanyldy»,- dep atap ótti vedomstvadaǵylar.

Qazirgi ýaqytta obektini qalanyń kommýnaldyq menshigine qabyldaý rásimi júrip jatyr, onyń kadastrlyq quny 60 mln teńgeden asady.


Avtor Alma Muqanova
Basty sózder: Almaty, Qylmyspen kúres,
Joǵary qaraı