Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda zańsyz eńbek etip júrgen 37 mıgrant el aýmaǵynan shyǵaryldy

2021 jyldyń 28 qazan 2021 14:10

ALMATY. QazAqparat – Almaty polıtsııa departamentiniń qyzmetkerleri zańsyz kóshi-qonmen kúreske baǵyttalǵan aldyn alý is-sharasy barysynda 37 shetel azamatyn anyqtap, respýblıka aýmaǵynan shyǵardy, dep habarlaıdy QazAqparat tilshisi.

Almaty qalalyq polıtsııa departamentiniń málimetine sáıkes, Qazaqstan Respýblıkasynyń kóshi-qon zańnamasyn buzǵany úshin sot sheshimimen elden Tájikstannyń 37 azamaty qýyldy.

«Qazaqstandaǵy Tájikstan Respýblıkasynyń konsýldyǵynyń kómegimen Almaty polıtsııa departamenti quqyq buzýshy sheteldikterdi Ózbekstanmen memlekettik shekaraǵa deıin jetkizýdi uıymdastyrdy. Bul úshin kóp oryndyǵy bar avtobýs bólindi. Konsýldyq keıbir adamdarǵa otanyna oralý týraly kýálik bergen bolatyn. Bul bizdiń birinshi tájirıbemiz emes, osydan úsh aı buryn dıplomatııalyq qyzmettermen birlesip Ózbekstan Respýblıkasynyń 20-dan astam azamatyn Otanyna jetkizý uıymdastyrylǵan», – dedi Almaty qalalyq PD kóshi-qon qyzmeti basqarmasynyń bastyǵy Ashat Býtýnchınov.

Almatyda osy kúnderi zańsyz kóshi-qon arnalaryn, sheteldikterdi zańsyz jumysqa ornalastyrý faktilerin anyqtaý maqsatynda «Kelimsek» jedel aldyn alý sharasy ótip jatyr.

«Іs-sharanyń toǵyz kúninde kóshi-qon zańnamasyn buzǵany úshin 1 146 sheteldik ákimshilik jaýapqa tartyldy. 47 shetel azamaty elden shyǵaryldy. Sheteldikterdiń Qazaqstanda bolýynyń zańdylyǵyn qamtamasyz etý sharalaryn qoldanbaǵany úshin 355 tulǵa jazalandy. Sheteldik jumys kúshin tartý erejelerin buzǵany úshin 28 jumys berýshige aıyppul salyndy», – dep qorytyndylady Ashat Býtýnchınov.


Avtor Alma Muqanova
Basty sózder: Almaty, Oqıǵa, Zań,
Joǵary qaraı