Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda vaktsına alǵandar sany 1 mıllıonǵa jýyqtady

2021 jyldyń 13 qazan 2021 11:01

ALMATY. QazAqparat - Almaty qalasynda bir táýlikte 4 436 adam koronavırýsqa qarsy vaktsına saldyrdy. Bul týraly qalalyq Qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

«12 qazan kúni 4 436 almatylyq vaktsına saldyrdy. Koronavırýsqa qarsy ekpeniń І komponentin – 1764, II komponentin 2 672 adam aldy. Vaktsına saldyrǵandar sany boıynsha Almaty qalasy aldyńǵy orynda. Bıylǵy jyldyń 1 aqpany men 11 qazany aralyǵynda qalada 971 283 turǵyn vaktsınanyń birinshi komponentin, 902 062 adam ekinshi komponentin saldyrǵan. Olardyń ishinde 119 523 adamnyń jasy 60-tan asqan»,- dep habarlady basqarmadan.

Qalada 160 pýnkt jumys istep tur. 1 028 adamnan turatyn 237 egý brıgadasy bar.

«Qazir medıtsına uıymdarynda, mektepterde, mádenıet, sport obektilerinde, bazarlar men qalanyń saýda, oıyn-saýyq ortalyqtarynda vaktsınatsııa pýnkteri jumys isteıdi», - dep naqtylady Qoǵamdyq densaýlyq saqtaý basqarmasynyń baspasóz qyzmetinen.


Joǵary qaraı