Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda úzdik muǵalimge páter beriledi

2021 jyldyń 8 qazan 2021 20:02

ALMATY. QazAqparat - Almaty qalalyq Bilim basqarmasy basshysynyń orynbasary Qaırat Jumanov onlaın brıfıng barysynda muǵalimderdiń jalaqysy qashan kóteriletinin jáne olardyń biliktigin damytýǵa arnalǵan sharalar týraly aıtty, dep habarlaıdy QazAqparat tilshisi.

«Kelesi jyldan bastap qaladaǵy barlyq muǵalimniń jalaqysy 25% ósedi. Ol úshin qajetti qarajat qarastyryldy, sondyqtan 1 qańtardan bastap muǵalimderdiń jalaqysy artady. Sondaı-aq elimizdegi muǵalimderdiń biliktiligi men mártebesin kóterý aıasynda eki jyldan beri «Pedagog mártebesi» týraly zań jumys istep jatyr. Oǵan qosa qala ákimdigi de muǵalimderdiń mártebesin kóterýge kóńil bólip keledi», - deıdi ol.

Sonymen qatar, ol bıyl qala ákimdiginiń bastamasymen ekinshi jyl qatarynan daryndy, úzdik muǵalimderdi anyqtaıtyn baıqaý ótkizilip jatqanyn tilge tıek etti.

«Almatynyń úzdik muǵalimi atanǵan mamanǵa eki bólmeli páterdiń kilti tabystalady. Birinshi orynǵa – avtokólik, ekinshi jáne úshinshi orynǵa aqshalaı syılyq beriledi», - dedi Bilim basqarmasynyń ókili.

Spıker, aldaǵy aptada muǵalimder arasynda ótetin «Almaty ákiminiń granty» baıqaýynyń qorytyndysy shyǵatynyn jetkizdi.

Onda úzdik shyqqan 10 muǵalim 2 mln teńge kóleminde aqshalaı syılyq alady. Bul sharalardyń barlyǵy muǵalimderdi qoldaýǵa baǵyttalǵan.

«Bıyl qala mektepterine 500-ge jýyq jas maman keldi. Olardy qoldaý aıasynda eńbekaqylaryna 20 AEK kóleminde qarjy qosylady. Oǵan qosa muǵalimderdiń biliktiligin arttyrý maqsatynda kýrstar ókizilip turady. Sondyqtan bul kýrstar QR bilim jáne ǵylym mınıstrligi jáne Órleý ortalyqtarymen iske asyrylady», - dedi spıker.


Avtor Alma Muqanova
Basty sózder: Aımaq, Almaty, Mektep, Bilim, muǵalim,
Joǵary qaraı