Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda úı órtenip, 2 adam qaza tapty

2021 jyldyń 28 qazan 2021 20:37

ALMATY. QazAqparat - Almatyda úı órtenip, eki adam qaza tapty, dep habarlaıdy QazAqparat tilshisi.

Almaty qalalyq Tótenshe jaǵdaılar departamentiniń málimetinshe, 28 qazan kúni saǵat 10:48-ta Medeý aýdany Keńsaı-2 shaǵyn aýdanynda ornalasqan «Molodoı sadovod» meken- jaıynda órt shyqqany týraly habarlama túsken.

«Bıik taýly jerge qaramastan, oqıǵa ornyna ıaǵnı saıajaıǵa órt sóndirýshiler jedel kóterildi, kelgen sátte 40 sharshy metr aýmaǵynda ashyq jalynmen 2 qabatty saıajaı úıi men aýladaǵy qurylystardyń órtenip jatqanyn anyqtady. Dereý órtoqpandary engizilip, órt sóndirý avtotsısternalardan sý úzdiksiz qamtamasyz etildi. Qysqa merzimde órttiń kórshi ǵımarattarǵa taralý qaýpi joıyldy. Órt 12 mınýtta aýyzdyqtalyp, 11:40-ta sóndirildi. Órtti sóndirýge jeke quramnan 20-dan astam adam, 5 birlik tehnıka jumyldyryldy»,- dep habarlady departamentten.

Vedomstva málimetinshe, 1971 jyly týǵan oqıǵa kúágeri, kórshi Baqytjan Qaǵazbekov janyp jatqan úıge kirip kúıik alsa da, 62 jastaǵy áıeldi qutqaryp qaldy, ol №4 qalalyq aýrýhanaǵa jetkizildi. Baqytjan ózi aýrýhanaǵa jatýdan bas tartty.

Órtti sóndirý barysynda 47 jastaǵy er adam men 51 jastaǵy áıeldiń denesi tabyldy. Kórshilerdiń aıtýynsha, bul jerde alkogol ishimdikter jıi ishiledi. Qyrkúıek aıynda Medeý aýdandyq Tótenshe jaǵdaılar basqarmasynyń qyzmetkerleri osy úıdiń turǵyndarymen qaýipsizdik erejelerin saqtaý týraly túsindirme áńgime júrgizgen bolatyn.











Joǵary qaraı