Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda úı karantınin buzǵan 18 adamǵa aıyppul salyndy

2021 jyldyń 24 jeltoqsan 2021 19:24

ALMATY. QazAqparat – Almatyda úı karantınin buzǵan «qyzyl» mártebesi bar 18 adamǵa aıyppul salyndy, dep habarlaıdy QazAqparat tilshisi.

«Ashyq arqyly 14 kúndik úı karantınin buzǵan 18 almatylyq ákimshilik jaýapqa tartyldy jáne aıyppul (30 AEK) tóledi», - dep habarlady sanıtarlyq-epıdemıologııalyq baqylaý departamentinen.

SOVID-19 úshin PTR testi oń nátıjeli almatylyqtar qoǵamdyq oryndarǵa, Ashyq qosymshasy boıynsha jumys isteıtin nysandarǵa barǵan.

Atap aıtqanda, HQO, meıramhana, fıtnes ortalyq, áýejaı, kınoteatr, kompıýter klýb, sulýlyq salony jáne taǵy basqa nysandardyń qyzmetin paıdalanýǵa tyrysqan.

«Qyzyl» mártebedegi adamdar Ashyq jobasy boıynsha jumys isteıtin nysandarǵa kirgizilmeıdi.

Quqyq buzýshylardyń tolyq tizimin myna jerden tabýǵa bolady.

Sanıtarııalyq-epıdemıologııalyq baqylaý departamenti ambýlatorııa em alyp jatqan azamattardy ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilikti umytpaýǵa shaqyrady.

Aýrý juqtyrǵandarmen baılanysta bolǵan adamdar da ózin-ózi oqshaýlap, basqa adamdarǵa juqtyrmas úshin adam jappaı jınalatyn oryndarǵa barýdan bas tartýy tıis.


Joǵary qaraı