Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda úsh kún buryn joǵalǵan 10 jasar bala tabyldy

2022 jyldyń 13 mamyr 2022 14:05

ALMATY. QazAqparat - Almatyda joǵalyp ketken 10 jasar Gennadıı Ragýtko tabyldy, dep habarlaıdy QazAqparat tilshisi.

Qalalyq polıtsııa taratqan aqparatqa sáıkes, bala din aman.

«Bala aman-esen tabyldy. Aıtýlarynsha, ol tanystarynyń úıine qonǵan. Bul aqparatty tekserip jatyrmyz. Qazir bala ákesiniń janynda», - dedi Almaty qalalyq Polıtsııa departamentiniń resmı ókili Saltanat Ázirbek.

«Іzdeý jumystary 11 mamyr kúni tańerteń bastaldy. 12 mamyr kúni oqýshyny izdeýge Lider.kz eriktileri, Ulttyq ulan, «Qoǵam» jasaǵy men jergilikti turǵyndar qosyldy. Biz birneshe uqsas balany kórdik, ókinishke qaraı, olar jaı ǵana uqsas bolyp shyqty. Biraq sodan keıin telefonǵa habarlama keldi – «balany eriktiler taýyp aldy». Іzdestirý toptary, eriktiler, Ulttyq ulan jáne Túrksib aýdany polıtsııa basqarmasynyń qyzmetkerleri qoıan-qoltyq jumys istedi. Іzdeý aıaqtaldy», – delingen Instagram-daǵy pablıkte.

Buǵan deıin Almaty polıtsııasy 10 jastaǵy Gennadıı Ragýtko 10 mamyr kúni túski saǵat 12:00 shamasynda úıinen shyǵyp, sodan oralmaǵanyn habarlaǵan bolatyn. Polıtsııa málimetinshe, oqýshy bala buǵan deıin de ata-anasyn eskertpesten úıinen ketip qalǵan eken.



Avtor Alma Muqanova
Basty sózder: Bala, Oqıǵa, Qoǵam, Polıtsııa, Almaty, Aımaq,
Joǵary qaraı