Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda úsh kóshe uzartylyp jatyr

2022 jyldyń 19 mamyr 2022 17:41

ALMATY. QazAqparat- Almaty ákimi Erbolat Dosaev Naýryzbaı aýdanynyń turǵyndarymen kezdesý barysynda qaladaǵy kósheler qalaı uzartylyp jatqanyn aıtty, dep habarlaıdy QazAqparat tilshisi.

Ákimniń aıtýynsha, Naýryzbaı aýdanynda Abaı dańǵyly men Tóle bı jáne Jubanov kósheleri uzarady.

«Abaı dańǵyly aýdannyń ákimshilik ortalyǵynan qala shekarasyna deıin 600 metrge uzartylatyn bolady. Ol úshin 73 jer ýchaskesin satyp alý qajet, 41 ýchaske satyp alyndy, qalǵandary 2023 jyldyń sońyna deıin qurylys barysynda alynady», - Erbolat Dosaev.

Qazir Tóle bı kóshesi uzartylyp jatyr. Bıyl Almaty qalasynyń ákimdigi ınjenerlik kommýnıkatsııalardy qaıta ornatyp, «Alma Sıtı» turǵyn úı kesheniniń janynan jol tóseý jumystaryn júrgizedi.

«Osy jyldyń sońyna deıin Jubanov kóshesin Momyshuly kóshesinen qalanyń shetine deıin uzartý jobasy aıaqtalady. Osy atalǵan jobalardy oryndaý kólik aǵymyn azaıtady jáne Naýryzbaı aýdanynyń megapolıstiń iskerlik ortalyǵymen kóliktik qatynasyn qamtamasyz etedi», – dedi qala basshysy.

Sonymen qatar, bıyl Naýryzbaı aýdanynda «Shuǵyla» jáne «Tastybulaq» shaǵyn aýdandarynda 14,5 km joldy jóndeý jáne «Aqjar» shaǵyn aýdanyndaǵy 89 kóshege 45 km jol tóseý jumystary bastaldy.


Avtor Alma Muqanova
Basty sózder: Infraqurylymdyq jobalar, Jol, Almaty,
Joǵary qaraı