Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda úsh esirtki zerthanasy joıyldy

2021 jyldyń 15 qazan 2021 18:38

ALMATY. QazAqparat- Almatyda úsh esirtki zerthanasy joıyldy. Bul týraly Almaty qalalyq polıtsııa departamentiniń basshysy Qanat Taımerdenov málim etti, dep habarlaıdy QazAqparat tilshisi.

«Megapolıste 3 esirtki daıyndaıtyn zerthana joıyldy. Olardyń biri Medeý aýdanyndaǵy jaldamaly úıden anyqtaldy. Tintý kezinde sıntetıkalyq esirtki óndirýge arnalǵan komponentter, sondaı-aq satýǵa daıyn, jalpy salmaǵy 3,5 keli «mefedron» zaty tárkilendi. Satatyn bolsa bul ónimniń baǵasy shamamen 40 mıllıon teńge. Sondaı-aq sáýir aıynda biz esirtki bıznesine qatysty uıymdasqan qylmystyq top qurǵany úshin kinálary dáleldengen 8 aıyptalýshynyń ustalǵany týraly habarlaǵan bolatynbyz. Top ınternet resýrstary arqyly «mefedron» sıntetıkalyq esirtkisin óndirýmen jáne satýmen aınalysty. Sonymen qatar, qoǵammen birge esirtki zattarynyń taralýy týraly aqparatty qamtıtyn 3 901 graffıtı-jazýlar boıaldy», – dedi Qanat Taımerdenov.

Sonymen qatar, Almtynyń bas polıtseıi esirtkini jarnamalaǵan 5 adamnyń qylmystyq jaýapqa tartylǵanyn atap ótti.

«Almaty polıtsııasynyń bastamasymen jyl basynan beri 357 ınternet-saıt buǵattaldy. Jyl basynan beri 545 esirtki qylmysy ashyldy. 380 keliden astam esirtki tárkilendi»,- dedi ol.


Joǵary qaraı