Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda Tóregeldi Sharmanovtyń halyqaralyq syılyǵy tapsyryldy

2021 jyldyń 19 qazan 2021 15:18

ALMATY. QazAqparat - Medıtsınalyq-sanıtarlyq kómekti damytýǵa úles qosqan sheteldik dárigerler, sondaı-aq COVID-19 dıagnostıkasy men emdeý hattamasyn ázirleýshi otandyq ınfektsıonıster Tóregeldi Sharmanovtyń halyqaralyq syılyǵyna ıe boldy, dep habarlaıdy QazAqparat tilshisi.

2021 jylǵy 16 aqpanda Qazaqstanda Tóregeldi Sharmanovtyń halyqaralyq qory quryldy, onyń qyzmeti densaýlyqqa qatysty jalpyǵa birdeı quqyq ıdeıasyn damytýǵa baǵyttalǵan.

Qor qyzmeti aıasynda Sharmanovtyń halyqaralyq syılyǵynyń laýreattaryna marapattar saltanatty túrde tabys etildi.

Alqaly marapatqa alǵashqy medıtsınalyq-sanıtarlyq kómekti damytýǵa qosqan úlesi úshin Djons Hopkıns ýnıversıtetiniń sheteldik ǵalymdary Devıd Bıshaı men Maık Shlaıf, sondaı-aq qazaqstandyq dárigerler, COVID-19 dıagnostıkasy men emdeý hattamasyn ázirleýshi ınfektsıonıster – Baqyt Kósherova men Amangúl Dúısenova ıe boldy.

Shara barysynda Almaty ákimi Baqytjan Saǵyntaev professor Tóregeldi Sharmanovty týǵan kúnimen quttyqtap, onyń otandyq densaýlyq saqtaý júıesiniń qalyptasýy men damýyna qosqan zor úlesin atap ótti.




Tóregeldi Sharmanovtyń halyqaralyq qorynyń mıssııasy – densaýlyq saqtaý jáne durys tamaqtaný salasyndaǵy jas jáne bolashaǵy zor ǵalymdardyń jobalaryn qoldaý.

Budan basqa, qor dıetologııamen aınalysatyn álemdik akademııalyq ortalyqtarda mamandardyń taǵylymdamasyna granttar berý josparda bar.

Tóregeldi Sharmanov – elimizdegi medıtsınanyń iri uıymdastyrýshylarynyń biri, Qazaqstan men Ortalyq Azııa respýblıkalaryndaǵy nýtrıtsıologtar mektebiniń negizin qalaýshy.

Ol 1978 jyly Almatyda Dúnıejúzilik densaýlyq saqtaý uıymy men ıÝNISEF qamqorlyǵymen alǵashqy medıtsınalyq-sanıtarlyq kómek jónindegi halyqaralyq konferentsııany ótkizýdiń bastamashysy retinde álemdik jáne qazaqstandyq densaýlyq saqtaýǵa zor úles qosty.

Konferentsııa qorytyndysy boıynsha álemdik densaýlyq saqtaýdaǵy negizgi qujattardyń biri – Almaty deklaratsııasy qabyldandy, onda alǵashqy medıtsınalyq-sanıtarlyq kómektiń ulttyq júıesin uıymdastyrý tujyrymdamasy alǵash ret baıandaldy.





Joǵary qaraı