Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda telemedıtsına ortalyǵy koronavırýs juqtyrǵan naýqastarǵa táýlik boıy kómek kórsetedi

2021 jyldyń 22 qańtar 2021 10:29

ALMATY. QazAqparat – Qala ákimi Baqytjan Saǵyntaev medıtsınalyq kómektiń sapasy men qoljetimdiligin arttyrý maqsatynda qurylǵan densaýlyq saqtaý salasynyń birqatar nysanyn aralady, dep habarlaıdy QazAqparat tilshisi.

Megapolıs ákimi I nstagram-daǵy paraqshasynda telemedıtsına ortalyǵynda, otbasylyq-dárigerlik ambýlatorııada jáne memlekettik-jekeshelik áriptestik aıasynda ashylǵan ońaltý ortalyǵynda bolǵanyn habarlady.

«KVI-ge qarsy is-qımyldaǵy mańyzdy jumystyń biri – telemedıtsına ortalyǵyn qurý boldy. Jańadan qurylǵan biregeı ortalyqta boldym. Bul jer pandemııa kezinde qaýipti indetke shaldyqqan naýqastarǵa qashyqtan kómek kórsetedi», - dep jazdy Baqytjan Saǵyntaev.

Onyń aıtýynsha, arnaıy daıyndyqtan ótken 52 dáriger táýlik boıy aýdıo nemese beınebaılanys arqyly ambýlatorııalyq emde jatqan naýqastyń jaǵdaıyn baqylap, olarǵa keńes beredi. Búginde 816 adam úıde emdelýde. Ótken jyldyń 1 qarashasynan bastap úı karantınindegi 3,7 myń qala turǵynyna qashyqtan monıtorıng júrgizildi.





Sondaı-aq, Almaty ákimi B. Saǵyntaev qalalyqtarǵa alǵashqy medıtsınalyq-áleýmettik kómek kórsetý úshin tıisti barlyq jaǵdaılardyń jasalatynyn aıtty. Bul mindet jaqyn mańda emhanalar joq yqshamaýdandarda otbasylyq-dárigerlik ambýlatorııalardy ashý arqyly sheshilýde.

Máselen, Túrksib aýdanynda zamanaýı qurylǵylarmen jabdyqtalǵan «Altaı» otbasylyq ambýlatorııa 11 myń adamǵa qyzmet kórsetedi. Sońǵy eki jylda mundaı 16 otbasylyq-dárigerlik ambýlatorııa ashyldy. Bıyl taǵy tórteýin ashý josparda.





Qala ákimi B. Saǵyntaev jeke kapıtaldyń qatysýymen qurylatyn ońaltý ortalyqtary júıesiniń ulǵaıǵanyn habarlady. Byltyr MJÁ aıasynda «Arýana» kópsalaly ortalyǵy ashyldy. Ortalyq 50 tósek-orynǵa eseptelgen, sonyń ishinde ınsýlt, kardıologııa men travmatologııalyq naýqastardy emdeýge arnalǵan 41 oryn bar.





Avtor Alma Muqanova
Basty sózder: Koronavırýs, Almaty, Ákim,
Joǵary qaraı