Aýa raıy
Astana 4 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda telemedıtsına ortalyǵy ashyldy

2020 jyldyń 17 qyrkúıek 2020 16:46

ALMATY. QazAqparat - Almatyda koronavırýstyń jańa tolqynyna daıyndyq aıasynda telemedıtsına ortalyǵy quryldy, dep habarlaıdy QazAqparat tilshisi.

Óńirlik kommýnıkatsııalar qyzmetiniń alańynda ótken onlaın-brıfıng barysynda Almaty qalasynyń qoǵamdyq densaýlyq saqtaý basqarmasynyń basshysy Kamaljan Nadyrov koronavırýstyń ekinshi tolqynyna daıyndyq aıasynda jasalyp jatqan sharalar týraly aıtty. Endi almatylyqtar medıtsınalyq keńesti telemedıtsına kómegimen ala alady.

Ol úshin Almatyda telemedıtsına ortalyǵy quryldy. K.Nadyrovtyń aıtýynsha, atalǵan ortalyqtyń mindeti - COVID-19 vırýsy bolýy yqtımal jáne rastalǵan jaǵdaılary bar naýqastarǵa keńes berý jáne monıtorıng júrgizý.

«Bul COVID-19 vırýsyn emdeý boıynsha biregeı qyzmet bolyp otyr. Ol úshin medıtsınalyq aqparattyq júıelermen ıntegratsııalanatyn baǵdarlama ázirlenýde. Telemedıtsına ortalyǵynyń dárigeri beınekeńes júrgizedi, naýqastyń jaǵdaıyn baǵalaıdy, em taǵaıyndap, naýqastyń elektrondyq kartasyna ózgerister engizip otyrady. Bul sonymen qatar barlyq COVID-19 jaǵdaılarynyń biryńǵaı elektrondyq bazasy bolady»,- dep túsindirdi K.Nadyrov.

Sondaı-aq, osy ortalyqtyń mańyzdy fýnktsııalarynyń biri – naýqastardyń karantın rejımin saqtaýyn baqylaý. Ortalyq qyzmetkerleri ambýlatorııalyq deńgeıde em alyp jatqan naýqastarǵa beıneqońyraý shalyp turady.

«Úı rejıminiń buzylýy anyqtalǵan jaǵdaıda taýarlar men qyzmetterdiń sapasy men qaýipsizdigin baqylaý komıtetiniń aýmaqtyq departamentine tıisti sıgnal beriledi, odan ári qalalyq bas memlekettik sanıtar dárigeriniń qaýlysyna saı tártip buzýshyǵa aıyppul jazylady. Tártipti óreskel buzýshylar qala emhanalarynyń birine májbúrli túrde jatqyzylady. Bul - óte mańyzdy jaıt, óıtkeni bizdiń mindetimiz - qalada ınfektsııanyń taralý qaýpin barynsha tómendetý», - deıdi basqarma basshysy.


Joǵary qaraı