Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda taýǵa shyǵatyn týrısterge eskertý jasaldy

2021 jyldyń 7 qazan 2021 19:42

ALMATY. QazAqparat- Almaty qalalyq Tótenshe jaǵdaılar departamenti aýa raıyna baılanysty taýǵa shyǵatyn týrısterge eskertý jasady, dep habarlaıdy QazAqparat tilshisi.Sınoptıkterdiń boljamynsha, 8-10 qazanda Almaty taýlarynda túnde jáne tańerteń tuman túsedi.

Soǵan baılanysty almatylyq qutqarýshylar taýǵa baratyn týrısterge qaýipsizdik erejelerin qatań saqtaýǵa keńes berdi.
«Eń aldymen yńǵaıly kıim men aıaq kıimdi tańdańyz. Ózińizben birge alyp júrýge kerek zattardyń ishinde mindetti túrde: jyly zattar, uıaly telefonǵa qosymsha qýat kózderi, sham jáne ot jaǵýǵa arnalǵan quraldar bolýy kerek. Sondaı-aq GPS navıgatoryn ózińizben birge alǵan jón», - delingen habarlamada.
Sondaı-aq kelesi keńesterge qulaq asýǵa shaqyrdy:
- Taýǵa shyqpas buryn yqtımal qaýipterdi muqııat baǵalaý kerek, aýa raıy jaǵdaılary men kedergi keltiretin jaǵdaılardy eskerý kerek;
- tumanǵa nemese táýliktiń qarańǵy ýaqytyna taýǵa shyqpaý kerek;
- qaýipti jartasty ýchaskelerdi tek asa qajet bolǵan jaǵdaıda, qaýipsizdik jáne saqtandyrý erejelerin qatań saqtaı otyryp, eńserý kerek;
- bos jatqan tastarmen betkeıler men oıyqtardan ótpeńiz.
- jalǵyz toptan qalyp qalmaı, tek toppen birge qozǵalýyńyz kerek;
- qatty jańbyr nemese burshaq jaýǵan kezde jabyq jerge baryp, jaýynnyń toqtaýyn kútińiz.


Avtor Alma Muqanova
Basty sózder: Týrızm, Almaty,
Joǵary qaraı