Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda tanysyn zorlamaq bolǵan er adam bes jylǵa sottaldy

2022 jyldyń 29 mamyr 2022 03:21

ALMATY. QazAqparat- Almatyda tanysyn zorlamaq bolǵan 48 jastaǵy er adam bes jylǵa bas bostandyǵynan aıyryldy, dep habarlaıdy QazAqparat tilshisi.

Almaty qalalyq polıtsııa departamenti bastyǵynyń orynbasary Rústem Ábdrahmanovtyń aıtýynsha, T. esimdi azamat tanysyn jóndeý jumystaryn kórsetemin degen syltaýmen úıine shaqyryp, ony zorlamaq bolǵan.

«Áıeldiń qarsylyq tanytqanynyń arqasynda T. esimdi azamat óz qalaǵanyna qol jetkize almady, áıel birden polıtsııaǵa júgingendikten kúdiktini tez arada ustaýǵa múmkindik týdy. Artynsha ol qamaýǵa alynyp, tergeý ızolıatoryna aýystyryldy. Jasalǵan qylmystyń barlyq mán-jaılaryn anyqtaý úshin sot-medıtsınalyq jáne sot-bıologııalyq saraptamasy júrgizildi, onyń qorytyndysy jábirlenýshiniń aıtqandarymen jáne kúdikti T. esimdi azamattyń kinásin moıyndaýymen birge, 24-baptyń 3 bóligi, 120-baptyń 1 bóligi - zorlaýǵa árekettený boıynsha aıyptaýǵa múmkindik berdi», - deıdi Almaty qalalyq polıtsııa departamenti bastyǵynyń orynbasary Rústem Ábdrahmanov.

Alataý aýdandyq polıtsııa basqarmasynyń tergeýshisi jınaǵan dáleldemelerdi sot T. esimdi azamatqa qatysty úkim shyǵarý úshin jetkilikti dep tanydy.

«Alataý aýdandyq sotynyń úkimimen qylmysker qylmystyq-túzetý júıesiniń ortasha qaýipsizdik mekemesinde óteýimen 5 jylǵa bas bostandyǵynan aıyryldy», - deıdi polıtsııa ókili.


Avtor Alma Muqanova
Basty sózder: Almaty, Sot, Qylmyspen kúres,
Joǵary qaraı