Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda tanymal sýburqaq qalpyna keltirildi

2021 jyldyń 13 qyrkúıek 2021 09:42

ALMATY. QazAqparat- Almaty ákimi Baqytjan Saǵyntaev qaladaǵy qoǵamdyq keńistikterdi abattandyrý men týrıstik áleýetti damytý barysyn tekserdi, dep habarlaıdy QazAqparat tilshisi.

Baqytjan Saǵyntaev Instagram -daǵy paraqshasynda skverlerdi rekonstrýktsııalaý, qonaqúı salý jáne taý týrızmi úshin jaıly jaǵdaı jasaý týraly jazdy.

«Nedelka» sýburqaǵy jáne Abaı atyndaǵy Qazaq ulttyq akademııalyq opera jáne balet teatry aldyndaǵy alańdy jańǵyrtý jumysy aıaqtalýǵa jaqyn. Mundaǵy basty mindet – tarıhı sáýlet ansamblin saqtaı otyryp, mańaıdy qalpyna keltirý edi. Ol úshin shamdar, sýburqaq arkalary men «abajýr», aınalasyndaǵy plıta qalpyna keltirildi. Barlyǵy sol kezde túsirilgen sýrettegideı. Kire-beristegi joıylǵan sýburqaq qalpyna keltirildi. Jańa kelbetke ıe bolǵan keńistik qala turǵyndarynyń kóńilinen shyǵatynyna kúmánim joq. Sonaý 60-70 jyldardaǵy Almatynyń atmosferasyn eske túsiredi», - dep atap ótti ákim.




Negizi 2005 jyly qalanǵan Tuńǵysh Prezıdent qorynyń janyndaǵy skverdi qaıta qurý jalǵasýda. 80 oryndyq, qoqys jáshigi jáne turǵyndardyń ótinishimen sanıtarlyq-gıgıenalyq torap ornatylady. Balalarǵa arnalǵan oıyn jáne sport alańyn qurý josparda bar.

Syrtqy jaryq júıesin júrgizý úshin 4 shaqyrym kabel tóselip, 147 sham ornatylady. Avtomatty sýarý júıesi úshin 5 shaqyrym qubyr aýystyrylyp, sýarýǵa arnalǵan eki bóshke salynady.




«Jańa jaıly oryn Á. Qasteev atyndaǵy Memlekettik óner murajaıynyń aldyndaǵy alań bolady, onda jasyl qordy jańartý, jol jamylǵysy, oryndyqtar, jaryqtandyrý jumystary da aıaqtalýda, biz sýburqaqty qalpyna keltiremiz», - dep jazdy Baqytjan Saǵyntaev.




Sondaı-aq, Úlken Almaty ózeni - ál-Farabı dańǵylyndaǵy kópir keńistigi ózgertiledi, onda kóshede tamaqtanatyn oryn men dala kınoteatry uıymdastyrylady. Ózende jasandy sarqyrama men kórý alańy salyndy. Pandýstardyń arqasynda bul oryn múmkindigi shekteýli adamdar úshin qoljetimdi bolamaq.




Baqytjan Saǵyntaev №128 mekteptiń sporttyq ınfraqurylymyn modernızatsııalaý barysyn kórdi. Munda qazirgi zamanǵy ashyq sport alańdarynan ózge, jyl boıy qoljetimdi jabyq fýtbol alańy salynyp jatyr.




Almaty ákimi jańa Holiday Inn Express qonaq úıi men demalýshylar men týrısterge jaıly jaǵdaı jasalǵan Aıýsaı vızıt ortalyǵynyń ınfraqurylymyn tekserdi.























Avtor Alma Muqanova
Basty sózder: Ákim, Almatydaǵy terakt,
Joǵary qaraı