Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda taǵy bir JOO lıtsenzııasy toqtatyldy

2021 jyldyń 10 mamyr 2021 15:53

ALMATY. QazAqparat - Bilim jáne ǵylym mınıstrligi Shet tilder jáne iskerlik karera ýnıversıtetiniń lıtsenzııasyn toqtatty, dep habarlaıdy QazAqparat tilshisi.

Bilim jáne ǵylym mınıstrligi baspasóz qyzmetiniń málimetinshe, vedomstvoǵa qarasty Bilim jáne ǵylym salasyndaǵy sapany qamtamasyz etý komıtetine Shet tilder jáne iskerlik karera ýnıversıtetiniń bilim sapasyna qatysty shaǵym kelip tústi. Osyǵan baılanysty joǵary oqý ornynda jospardan tys tekserý júrgizildi.Oqý protsesiniń uıymdastyrylýyn baqylaý qorytyndysy boıynsha ýnıversıtet lıtsenzııasyn zań buzýshylyqtardy joıǵanǵa deıin toqtatý týraly sheshim qabyldandy.

Júrgizilgen baqylaý barysynda Shet tilder jáne iskerlik karera ýnıversıteti stýdentteriniń bilimi tekserildi. Bilim alýshylardyń 97%-y shekti baldy eńsere almady.

«Jospardan tys tekserý barysynda JOO-da sabaqtar keste boıynsha ótkizilmeıtini anyqtaldy. Bilim alýshylardyń oqý jetistikterin tekserý nátıjeleri JOO-daǵy bilim berý sapasynyń tómen deńgeıin kórsetti. Odan bólek, oqý orny kadrlar daıarlaý boıynsha jumys berýshilermen belsendi jumys istemeıtini de baıqaldy. Shet tilder jáne iskerlik karera ýnıversıtetinde akademııalyq adaldyq qaǵıdattary da saqtalmaıdy. Máselen, atalǵan JOO stýdentteriniń kýrstyq jumystary ózge adamnyń eńbegin kóshirip alýdy tekserý júıesinen ótpeıdi, al dıplomdyq jumystar boıynsha akademııalyq qaǵıdalar buzylǵany anyqtalsa da qorǵaýǵa jiberilgen jaǵdaılar tirkeldi. Jalpy, ýnıversıtet bilim berý salasyndaǵy zańnamany óreskel buzýǵa jol bergen», – dedi Bilim jáne ǵylym salasynda sapany qamtamasyz etý komıtetiniń tóraıymy Gúlzat Kóbenova.

Eske salaıyq, byltyr BǴM tapsyrysy boıynsha «Atameken» Ulttyq kásipkerler palatasy bilim berý baǵdarlamalarynyń sapasyn baǵalaý úshin reıtıng daıyndaǵan bolatyn. Jumys berýshilerdiń pikirinshe 10 aýtsaıder JOO anyqtaldy, olardyń qatarynda Shet tilder jáne iskerlik karera ýnıversıteti de boldy.

Zańnamaǵa sáıkes JOO lıtsenzııasynyń kúshi toqtatylǵan jaǵdaıda, stýdentter oqý ornynda anyqtalǵan buzýshylyqtardyń joıylýyn kútpeı-aq, basqa joǵary oqý oryndaryna aýysa alady.


Joǵary qaraı