Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda Saıran kóliniń jaǵalaýy qalaı abattandyrylady

2021 jyldyń 2 jeltoqsan 2021 16:36

ALMATY. QazAqparat - Almaty qalasyndaǵy M.Áýezov aýdanynyń ákimi Saıran Saıfedenov brıfıng barysynda Saıran kóliniń aýmaǵyn abattandyrý boıynsha qandaı jumystar atqarylǵanyn jáne onyń qalaı damıtynyn aıtty, dep habarlaıdy QazAqparat tilshisi.

«Qalanyń kórikti jerleriniń biri - Saıran kóliniń jaǵalaýy. Biz kóldiń batys jaǵalaýyna, shamamen 10 gektar jerge qyzmet kórsetemiz. Ol jerde bizdiń merdiger kompanııa jumys istep jatyr. Sport, fýtbol alańy salyndy. Demalys oryndary qarastyrylǵan. 2020 jyly «Jumyspen qamtýdyń jol kartasy» baǵdarlamasy aıasynda eki shaǵyn jobany júzege asyrdyq. Abaı dańǵylynan Saıranǵa deıingi baspaldaqtardy jóndep, Úlken Almaty ózeni boıyna oryndyqtar ornattyq. Sondaı-aq Saırannan tómen, «Tastaq» shaǵyn aýdanynda Raıymbek dańǵyly baǵytynda bos jer bolatyn, biz bul aýmaqty da abattandyrdyq, jaryq tartyp, oryndyqtar ornatyp, balalar alańyn ashtyq», - dedi aýdan ákimi.

Sonymen qatar, ol qalalyq jasyl ekonomıka basqarmasy Saıran kóliniń jaǵalaýyn abattandyrý boıynsha jobalyq-smetalyq qujattama ázirlep jatqanyn atap ótti. Aıaqtaý merzimi – 2022 jyldyń naýryz aıy.

«Sodan keıin atalǵan joba memlekettik saraptamadan ótip, iske asyrylady. Bul joba zamanaýı qoǵamdyq keńistikti, jaıaý júrginshiler men sport alańdaryn qurýdy kózdeıdi. Biz memlekettik saraptamanyń shyǵýyn, jobalaý-smeta qujattamasynyń aıaqtalýyn kútip otyrmyz. Osydan keıin kóldiń batys jáne shyǵys jaǵalaýy tolyǵymen ózgeredi dep oılaımyn. Kelesi jyldy kútemiz», - deıdi Saıran Saıfedenov.


Avtor Alma Muqanova
Basty sózder: Almaty,
Joǵary qaraı