Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda salmaǵy 6 keliden asatyn alyp qyz dúnıege keldi

2022 jyldyń 17 mamyr 2022 19:46

ALMATY. QazAqparat – Almaty qalasynda salmaǵy 6 keliden asatyn qyz bala dúnıege keldi, dep habarlaıdy QazAqparat tilshisi.

Náreste №2 qalalyq perzenthanasynda ómirge keldi. Perzenthana qyzmetkerleri salmaǵy aýyr balanyń dúnıege keletinin boljap, aldyn ala daıyndaldy.

Alaıda onyń salmaǵy 6 keli 20 gramm bolady dep oılaǵan joq.

«Biz balanyń salmaǵy 6 keliden asady dep kútken joqpyz. Júktilik kezinde jasalǵan ýltradybystyq zertteý sábıdiń tórt kılogramnan asatynyn kórsetken. Alaıda, ol ádis arqyly naqty massany anyqtaý múmkin emes. Bala kesar tiligimen emes, tabıǵı jolmen dúnıege keldi»,- dedi perzenthananyń neonatologııa bóliminiń meńgerýshisi Dılıara Syrtlanova.

Ekinshi balasyn ómirge ákelgen 23 jastaǵy ananyń jaǵdaıy qazir jaqsy. Ana men bala 29 kún dárigerler men medbıkelerdiń baqylaýynda boldy.

«Mundaı jaǵdaı bizdiń perzenthanada ǵana emes, qalada da sırek kezdesedi. Qazirgi ýaqytta ana men jańa týǵan náresteniń jaǵdaıy birqalypty, olardy úıge shyǵardyq»,- dep atap ótti dáriger.

Óz kezeginde balanyń anasy aýrýhana qyzmetkerlerine alǵys aıtty.

«Perzenthananyń búkil ujymyna, dárigerlerden bastap sanıtarlarǵa deıin alǵys aıtqym keledi. Olardyń kásipqoılyǵy, zeıindiligi men adamgershiligi arqasynda balamdy aman-saý ómirge ákeldim», - deıdi Inabat Qostanbaı.


Avtor Alma Muqanova
Basty sózder: Bala, Oqıǵa, Medıtsına, Almaty, Densaýlyq,
Joǵary qaraı