Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda ruqsat etilmegen eki iri qoqys úıindisi anyqtaldy

2021 jyldyń 21 qazan 2021 04:09

ALMATY. QazAqparat- Almaty polıtsııasy óndiristik nysandar aýmaǵynda eki iri qoqys úıindisin anyqtady, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe,ekologııalyq polıtsııa qyzmetkerleri reıd barysynda Jetisý aýdanyndaǵy JShS biriniń aýmaǵynan qurylys pen turmystyq qaldyqtardyń úlken úıindisin anyqtady.

«Bul fakti boıynsha, uıymnyń dırektoryna qatysty QR ÁQbK-niń 505-baby (Abattandyrý erejelerin buzý) boıynsha quqyq buzýshylyq týraly ákimshilik sharalar qoldanyldy. Sonymen qatar, JShS basshylyǵynan anyqtalǵan buzýshylyqtardy tez arada joıý týraly kepildik hat alyndy», – dedi Jetisý aýdandyq polıtsııa basqarmasy bastyǵynyń mindetin atqarýshy Ashat Dáýletıarov.

Osyndaı zańsyz qoqys úıindisin tártip saqshylary Almaty qalasynyń Áýezov aýdany aýmaǵynan da áshkereledi.

«Bizdiń bólimshe men ákimdiktiń ekologııa bóliminiń qyzmetkerleri «Aqsaı» yqsham aýdanynda ornalasqan garaj kooperatıvinde abattandyrý erejelerin buzý faktisin anyqtady. Onyń tóraǵasy ákimshilik jaýapqa tartyldy. Aıyppul mólsheri 30 AEK», – dep atap ótti Áýezov aýdandyq polıtsııa basqarmasynyń bastyǵy Ulan Ábilqaıyr.


Avtor Alma Muqanova
Basty sózder: Almaty, Ekologııa,
Joǵary qaraı